ملک بھر کی جیلوں میں بند ہزاروں پا کستانیوں کے قا تلوں کو بھی فوری پھانسی دی جائے ‘اعجاز ثروت

لاہور( اُردو پوائنٹ اخبار تازہ ترین۔ 30اپریل۔2015ء ) سربراہ پاکستان سنی تحریک محمد ثروت اعجاز قادری نے کہا ہے کہ دہشتگرد کراچی کو اندھیروں میں دھکیلنااور تعلیم سے محروم کرنا چاہتے ہیں ،کراچی یونیورسٹی کے اسسٹنٹ پروفیسر وحید الرحمان کا قتل تعلیم پر حملہ اور قانون نافذ کرنیوالوں کیلئے سوالیہ نشان ہے ،ٹارگٹ کلرز مضبوط اورقانون پسند دہشتگردی کا نشانہ بن رہے ہیں ،پروفیسر شکیل اوج کے بعد پروفیسر وحید الرحمان کا قتل ایک ہی سلسلے کی کڑی نظر آتی ہے ،این جی اوز کی رہنما سبین محمود کے قاتل ابھی گرفتار بھی نہیں ہوئے تھے کہ دہشتگردوں نے علم کی شمع روش کرنیوالے پروفیسر کو بھی خاک وخون میں نہلادیاجس کی جتنی مذمت کی جائے کم ہے ، آپریشن دہشتگرد کراچی میں کو ناکام بنانے کیلئے اوچھے ہتھکنڈوں پر اتر آئے ہیں ،جرائم پیشہ ،بھتہ خوروں اور ٹارگٹ کلرز کے خلاف کامیاب آپریشن ہی کراچی کی روشنیوں کو منور کرنے سے جوڑا ہے ،قانون نافذ کرنیوالے اداروں کو دہشتگردوں سے انہی کی زبان میں گذشتہ دنوں شہید ہونیوالے پروفیسر شکیل اوج ،سبین محمود اور اب پروفیسروحید الرحمان کی شہادت کی شدید مذمت کرتے ہوئے اپنے رد عمل میں کیا ۔

(جاری ہے)

ثروت اعجاز قادری نے کہا کہ دہشت گردی کے خلاف قوم پاک افواج کے ساتھ کھڑی ہے ۔کراچی میں پائیدار امن قائم کئے بغیر ملک میں خوشحالی ممکن نہیں ہے ۔دہشتگردوں اور ان کے سہولت کاروں کے خلاف کاروائیاں نہ کی گئیں تو مزید بد امنی بڑھ سکتی ہے ۔سزائے موت کے ملزموں کو تختہ دار پر لٹکا کر ملک میں امن کی راہ ہموار کی گئی ہے ۔ملک بھر کی جیلوں میں بند ہزاروں پا کستانیوں کے قا تلوں کو بھی فوری پھانسی دی جائے ۔

ملک میں کسی بھی طر ح کی مذہبی سیاسی اور لسانی گروہ بندی کی گنجائش نہیں ہے تمام مذہبی سیاسی قوتوں کو مل کر ملک دشمن سازشوں کا مقابلہ کرنا ہو گا ۔نوجوان نسل کو فرقہ ورانہ اور لسانیت کی سیاست کے الگ رہنا ہوگا۔پڑھا لکھا طبقہ ملکی ترقی اور خوشحالی میں اپنا کرادار ادا کرے،مساجد و مدارس میں پیش کی جانے والی دینی ،مذہبی،معاشرتی ،اخلاقی اور سماجی تربیت سے انقلاب برپا کیاجا سکتا ہے ،ثروت اعجاز قادری نے صدر مملکت ،وزیر اعظم ،وفاقی وزیر داخلہ ،وزیر اعلیٰ سندھ ،آئی جی سندھ ،ڈی جی رینجرز سندھ سے مطالبہ کیا ہے کہ پروفیسر وحید الرحمان ،سبین محمود ،پروفیسر شکیل اوج کے قاتلوں کو گرفتار کرکے انہیں کیفر کردار تک پہنچایا جائے اور ان دہشتگردوں کے مکروہ چہرؤں کو عوام کے سامنے بے نقاب کیا جائے۔