بدقسمتی سے ملک میں مزدور طبقے کے لئے سرے سے کوئی پالیسی نہیں جس پر عملدرآمد ہو‘اعجاز چوہدری
مزدور اور کسان طبقے کو نظرانداز کرنے کی وجہ سے معیشت دن بدن تباہی اور بربادی کی طرف جا رہی ہے پیپلزپارٹی اور (ن) لیگ نے ہمیشہ مزدور کو سہولتیں دینے کی بجائے ان کا معاشی قتل کیا ہے ‘مزدوروں کے نام پیغام
جمعرات 30 اپریل 2015 21:30
لاہور(اُردو پوائنٹ اخبار تازہ ترین۔ 30اپریل۔2015ء ) پاکستان تحریک انصاف پنجاب کے صدر اعجازاحمدچوہدری نے مزدوروں کے عالمی دن کے موقع پر مزدوروں کے نام جاری کردہ پیغام میں کہاہے کہ ملکی معیشت میں مزدورطبقے کا بنیادی کردار ہے لیکن سب سے زیادہ اسی طبقے کو حکومت نظرانداز کرتی ہے، جس کی وجہ سے اس طبقے کی زندگی مشکلات اور مسائل کے بوجھ تلے دب چکی ہے، بدقسمتی سے ملک میں مزدور طبقے کے لئے سرے سے کوئی پالیسی نہیں جس پر عملدرآمد ہو،مزدور اور کسان طبقے کو نظرانداز کرنے کی وجہ سے معیشت دن بدن تباہی اور بربادی کی طرف جا رہی ہے ،پیپلزپارٹی اور (ن) لیگ نے ہمیشہ مزدور کو سہولتیں دینے کی بجائے ان کا معاشی قتل کیا ہے۔
انہوں نے کہاکہ ملکی معیشت اور ترقی میں مزدور طبقے کا اہم رول ہے اس سے نظرانداز کرنا سرا سر زیادتی کے مترادف ہے ۔(جاری ہے)
تحریک انصاف شگاگو کے شہدا کو سلام پیش کرتی ہے ،مزدور، کسان اور کاشتکارکو درپیش مسائل حل ہونے تک تحریک انصاف اپنی پُرامن سیاسی جدوجہد جاری رکھے گی۔بڑھتی ہوئی مہنگائی نے مزدور طبقے کو کچل کر رکھ دیا ہے۔موجودہ حکمرانوں نے مزدور طبقے کا استحصال کرنے سوا کچھ نہیں دیا۔
انہوں نے کہاکہ قومی اداروں کی نج کاری ہوئی تو ملک میں بے روزگاری کا نیاطوفان آ ئے گا، حکومت فور ی طور پر لیبر پالیسی کا اعلان کرے اور قومی اداروں کی نجکاری کرنے سے باز رہے۔ مزدور طبقہ اپنے غصب شدہ حقوق حاصل کرنے کے لئے تحریک انصاف کا بھرپور ساتھ دے، حکومت آئی ایم ایف اور ورلڈ بنک کی ایسی پالیسیوں پر عمل پیرا ہے جس سے بے روزگاری میں اضافہ ہوگا اور مزدوروں کے چولہے ٹھنڈے پڑ جائیں گے، اس سے بڑا ظلم محنت کش طبقے سے کیا ہو سکتا ہے کہ ٹھیکیداری نظام کی وجہ سے اس کو مزدوری کے پورے پیسے نہیں ملتے۔انہوں نے کہاکہ پیپلزپارٹی اور (ن) لیگ نے مزدور طبقے سے بنیادی سہولتوں تک چھین لی ہیں، ان پارٹیوں کا ایجنڈا عوام کی خدمت کی بجائے لوٹ مار کرنے میں بدل چکا ہے ۔انہوں نے کہاکہ مزدور اور کسان حکومت کی عوام دشمن پالیسیوں اور ناقص منصوبہ بندی کی وجہ سے اس کا کوئی پرسان حال نہیں، تحریک انصاف یہ مطالبہ کرتی ہے کہ مزدور کی کم از کم تنخواہ بیس ہزار مقرر کی جائے اور مزدور ، کسان اور کاشتکار کو جو مسائل درپیش ہیں انہیں فوری حل کیا جائے۔ اہم قومی اداروں کو کوڑیوں کے بھاؤ بیچنے کی بجائے، کرپشن کا خاتمہ ،کارکردگی اورمینجمنٹ کو بہتر کرنے کے لئے ٹھو س اقدامات اٹھائے جائیں۔ تحریک انصاف کسی صورت بھی قومی اداروں کی نجکاری کرنے کی حکومت کو اجازت نہیں دے گی، قومی اداروں کی نجکاری کا مطلب مزدوروں کے پیٹ میں چھرا گھونپنے کے مترادف ہے۔مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.