شاہد آفریدی کینسر کے مرض میں مبتلا کراچی کے انوار اللہ کی دوائیوں کے اخراجات برداشت کر یں گے

ہفتہ 2 مئی 2015 15:02

کراچی(اُردو پوائنٹ اخبار تازہ ترین۔ 02 مئی۔2015ء) پاکستام ٹی ٹوئنٹی ٹیم کے کپتان آل راوٴنڈر شاہد آفریدی نے کینسر کے موذی مرض میں مبتلا کراچی کے انوار اللہ کی دوائیوں کے اخراجات برداشت کرنے کا فیصلہ کیا ہے۔

(جاری ہے)

تفصیلات کے مطابق بوم بوم آفریدی نے کینسر کے موذی مرض میں مبتلا سترہ سالہ انوار اللہ سے اپنی رہائش گاہ پر ملاقات کی، میٹرک کے طالب علم میں ایک سال قبل کینسر کا مرض تشخیص ہوا اور اب یہ کرکٹ لوور زندگی کی آخری گھڑیاں دیکھ رہا ہے۔

شاہد آفریدی نے اپنے پرستار کے علاج و معالج کے اخراجات برداشت کرنے کیساتھ پانچ لاکھ روپے کا چیک بھی دیا ہے۔آفریدی کا کہنا ہے کہ کینسر کا مرض پاکستان میں تیزی سے پھیل رہا ہے، عمران خان سے درخواست کرتا ہوں شوکت خانم کراچی میں بھی بنائیں۔انوار اللہ کا کہنا تھا کہ وہ آفریدی سے ملنے کے خواہشمند تھے، کرکٹ کیساتھ انھیں پاکستان آرمی سے بھی محبت ہے۔