عوام بلدیاتی انتخابا ت میں ووٹ کا استعمال امیدوار کے کردار کو دیکھ کر دیں، ہمارے تمام امیدوار تر قی پسند سوچ لے کر عوام کے پاس جا ئیں، ہماری سیاست خد مت کی سیاست ہے بندق کے زور پر سیاست کرنے کا زمانہ گزر چکا

صوابی( اُردو پوائنٹ اخبار تازہ ترین۔ 02 مئی۔2015ء) سینئر صو بائی وزیر برائے صحت اور عوامی جمہوری اتحاد پاکستان کے چیر مین شہرام خان ترکئی نے عوام پر زور دیا ہے کہ وہ تیس مئی کو ہونے والے بلدیاتی الیکشن میں ووٹ کا استعمال امیدوار کے کردار کو دیکھ کر دیں ان خیالات کااظہار انہوں نے موضع ترکئی میں اے این پی کے مقامی رہنما مرا د سعید کا عوامی جمہوری اتحاد میں شمولیت کے موقع پر منعقدہ اجتماع سے خطاب کر تے ہوئے کیا۔

(جاری ہے)

شہرام خان ترکئی نے کہا کہ ہمارے تمام امیدوار تر قی پسند سوچ لے کر عوام کے پاس جا ئیں عوام بند ق کی سیاست کو ہمیشہ کے لیے دفن کر دیں ہماری سیاست خد مت کی سیاست ہے بندق کے زور پر سیاست کرنے کا زمانہ گزر چکا اب وہی کا میاب ہے جس میں عوامی خد مت کا جذبہ ہو ہماری توجہ تر قیاتی کاموں پر مرکوز ہیں ان کا کہنا تھا کہ سیاست دانوں نے اپنے لیے تو بہت ترقی کی مگر عوام کے لیے کچھ نہیں کیا اور عوام نے بھی ان کو مسترد کر دیا عوام نے ترکئی گھرانے کو بہت عزت دی اس لیے ترکئی خاندان بھی پوری ایمانداری کے ساتھ عوام کے مسائل کے حل کے لیے کو شاں ہیں سابقہ حکو متوں نے مسلسل ہسپتالوں میں دخل اندازی کر کے مسائل کو جنم دیا جو اب بھی ہسپتالوں کی بہتری کے لیے رکاوٹ پیدا کر رہے ہیں مگر ہم پیچھے ہٹنے والے نہیں نظام ٹھیک کر کے ہی دم لیں گے صوابی تربیلا پاور ٹرانسمیشن لائن ایم این اے عثمان خان ترکئی کی کو ششوں کا نتیجہ ہے جس سے صوابی کے عوام کو بہت زیادہ فائد ہ ہو گا ۔