ہر سال عیدالاضحی سے قبل کانگو وائرس پھیلنے کے امکانات بڑھ جاتے ہیں،جام مہتاب ڈاہر
وائرس کے پھیلاؤکو روکنے اور لوگوں میں احتیاطی تدابیر سے متعلق آگاہی کے لیے محکمہ صحت قبل از وقت اقدامات کرتا ہے ،وقفہ سوالات میں جواب
پیر 4 مئی 2015 18:02
کراچی ( اُردو پوائنٹ اخبار تازہ ترین۔ 04 مئی۔2015ء ) سندھ کے وزیر صحت جام مہتاب حسین ڈاہر نے کہا ہے کہ ہر سال عیدالاضحی سے قبل کانگو وائرس پھیلنے کے امکانات بڑھ جاتے ہیں ۔ وائرس کے پھیلاؤکو روکنے اور لوگوں میں احتیاطی تدابیر سے متعلق آگاہی کے لیے محکمہ صحت قبل از وقت اقدامات کرتا ہے ۔ یہ بات انہوں نے پیر کو سندھ اسمبلی کے اجلاس میں وقفہ سوالات کے دوران ایک تحریری سوال کے جواب میں بتائی ۔
وزیر صحت نے بتایاکہ کراچی ، حیدر آباد اور سکھر کی فوڈ لیبارٹریز میں دودھ کے نمونے ٹیسٹ کے گئے ۔ ان نمونوں میں اسٹارچ آئل ، واشنگ پاوڈر ، یوریا اور بال صفا پاوڈر نہیں پایا گیا ۔ انہوں نے بتایا کہ 2012ء میں خسرے کی وجہ سے سندھ بھر میں 209 بچے ہلاک ہوئے ۔ اس صورت حال کے پیش نظر محکمہ صحت نے ہنگامہ پروگرام شروع کیا ۔(جاری ہے)
اور 62 لاکھ 71 ہزار سے زائد بچوں کی ویکسی نیشن کی گئی ۔
وزیر صحت نے کہاکہ سندھ کے 15 سرکاری اسپتالوں میں آئی سی یو اور سی سی یو کی سہولت موجود ہے ۔ 2 سرکاری اسپتالوں میں آئی سی یو اور 6 اسپتالوں میں سی سی یو کی سہولت دستیاب ہے ۔ نئے مالی سال کے لیے 19 اسپتالوں میں دونوں سہولتیں ، 18 اسپتالوں میں آئی سی یو اور 4 اسپتالوں میں سی سی یو کی سہولت فراہم کرنے کی تجویز دی گئی ہے ۔ سڑکوں اور شاہراہوں پر واقع تعلقہ ہیڈ کوارٹرز اسپتال میں ٹراما سینٹرز قائم کرنے کی بھی تجویز دی گئی ہے ۔ انہوں نے کہا کہ صوبے بھر میں ہیپا ٹائٹس کنٹرول پروگرام کے تحت مریضوں کے علاج کے لیے 55 مراکز قائم کیے گئے ہیں ۔ یہ پروگرام جنوری 2009ء میں شروع کیا گیا تھا ۔ اب تک 143210 مریضوں کا علاج مکمل کیا جا چکا ہے جبکہ 26229 مریضوں کا علاج جاری ہے ۔ ابتدائی سال 2008-09 ء میں اس پروگرام کے لیے 72 کروڑ روپے مختص کیے گئے تھے ۔ 2013-14 میں ایک ارب 21 کروڑ روپے مختص کیے گئے تھے ۔ ان میں سے ایک ارب روپے کی رقم جاری کی گئی تھی ۔ مختلف سوالوں کے تحریری جوابات میں وزیر صحت نے بتایا کہ خیرپور ضلع میں حمل اور زچگی کے دوران 110 خواتین ہلاک ہوئیں ۔ انہوں نے بتایا کہ ہر سال عیدالضحیٰ کے موقع پر کانگو وائرس کے پھیلنے کے امکانات میں اضافہ ہو جاتا ہے ۔ اس سے پہلے محکمہ صحت کانگو وائرس کا پھیلاؤ روکنے کے لیے متعدد اقدامات کرتا ہے اور آئندہ بھی کرے گا ۔ انہوں نے بتایا کہ 2009ء سے 2014 ء تک 6 سالوں میں کانگو وائرس کے پنجاب میں 3 ، بلوچستان میں 302 اور سندھ میں 19کیس رپورٹ ہوئے ۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.