محکمہ صحت نے صر ف 57پوسٹیں بلوچستان پبلک سروس کمیشن کودی ہیں جو خواتین نرسز کے ساتھ زیادتی ہے، روبینہ سلامت

کوئٹہ ( اُردو پوائنٹ اخبار تازہ ترین۔ 11 مئی۔2015ء ) بے روزگار نرسز ایسوسی ایشن کی صدر روبینہ سلامت اورجنرل سیکرٹری نبیلہ تبسم نے اپنے جاری کردہ بیان میں کہا ہے کہ محکمہ صحت نے صر ف 57پوسٹیں بلوچستان پبلک سروس کمیشن کودی ہیں جو خواتین نرسز کے ساتھ زیادتی ہے تفصیلات کے مطابق بے روز گار نرسز ایسوسی ایشن کے صدر روبینہ سلامت نے کہا کہ بلوچستان پبلک سروس کمیشن کے امتحان میں150طلباء پاس ہوئی ہیں جن میں کوٹہ سسٹم سے تعیناتی کی گئی ہے میرٹ پر تعینا تی نہیں کی گئی جوخواتین نرسز کے ساتھ زیادتی ہے90فیصد نرسز کا تعلق پنجاب سے ہے انہوں نے کہاکہ ہم گزشتہ 4سالو ں سے بے روزگارہیں ہمارے ساتھ زیادتی ہورہی ہے ہم تمام بے روزگار نرسز پرائیوٹ ہسپتالوں میں ڈیوٹی کر نے پر مجبور ہیں جہا ں ہمیں تنخواہ انتہائی کم ملتی ہے انہو ں نے مزید کہا کہ 4سال نرسنگ کورس مکمل کرنے کے بعد ہمیں 6ماہ کے اندر ہمیں روزگار ملنا چاہیے تھاجو نہیں دیا گیاایسوسی ایشن کے صدر نے کہا کہ ہمیں کنٹریکٹ پر بھر تی کیا جائے روبینہ سلامت نے کہا کہ بلوچستان کی تاریخ میں کبھی ایسا نہیں ہوا کہ نرسز بے روزگا ر ہوئی ہوں ہم چیف سیکرٹری ،وزیر اعلیٰ بلوچستان ڈاکٹر عبدالمالک بلوچ ،سیکرٹری صحت نو رالحق بلوچ سے مطالبہ کر تے ہیں کہ تمام بے روزگار نرسز کی معاشی بدحالی پر نظر ثانی کر یں محکمہ صحت نرسز کی نئی اسامیوں کا اعلان کر یں اورجلد نئی پوسٹیں بلوچستان پبلک سروس کمیشن کو دیں تاکہ ہماری بے روزگاری کا خاتمہ ہو سکے اور صوبے میں نرسزکی کمی کا مسئلہ بھی حل ہو سکے۔