ٹاسک فورس برائے انسداد جعلی ادویات نے پان مارکیٹ سے کروڑوں روپے مالیت کی ادویات قبضہ میں لے لیں
ٹاسک فورس نے ڈیڑھ ماہ میں ایک ارب روپے سے زائد مالیت کی ادویات قبضہ میں لی ہیں‘خواجہ عمران نذیر
منگل 12 مئی 2015 22:28
لاہور(اُردو پوائنٹ اخبار تازہ ترین۔ 12 مئی۔2015ء ) چیف منسٹر ٹاسک فورس برائے انسداد جعلی و غیر معیاری ادویات نے پان مارکیٹ نئی انارکلی میں چھاپہ مار کر کروڑوں روپے مالیت کی جعلی اور غیرملکی برانڈ کی مقامی طور پر تیارکردہ ادویات قبضہ میں لے کر تین گودام سربمہر کر دیئے۔یہ بات ٹاسک فورس برائے جعلی ادویات کے وائس چیئرمین خواجہ عمران نذیر نے مشیر صحت خواجہ سلمان رفیق اور سیکرٹری ہیلتھ جواد رفیق ملک کے ہمراہ ایک پریس کانفرنس میں بتائی۔
ڈی جی ہیلتھ ڈاکٹر زاہد پرویزاور شوکت وہاب ڈرگ انسپکٹر بھی اس موقع پر موجود تھے۔ خواجہ عمران نذیر نے بتایا کہ ٹاسک فورس نے گزشتہ ڈیڑھ ماہ کے دوران لاہور‘ فیصل آباد‘ اوکاڑہ‘ چنیوٹ اور دیگر شہروں میں چھاپے مار کر ایک ارب روپے سے زائد مالیت کی جعلی وغیر معیاری ادویات برامد کر کے 95مقدمات درج کرائے ہیں۔(جاری ہے)
خواجہ عمران نذیر نے کہا کہ وزیراعلیٰ کی واضح ہدایات ہیں کہ چھوٹے ملازم یا لیبر کے خلاف کارروائی کے بجائے جعلی ادویات بنانے والی فیکٹری یا فرم کے مالکان کو گرفتار کر کے کارروائی کی جائے۔
اس موقع پر مشیر صحت خواجہ سلمان رفیق نے کہا کہ وزیراعلیٰ کے حکم پر جعلی ادویات کے کاروبار کے خاتمہ کے لئے سرجیکل آپریشن کا آغاز کر دیا گیا ہے اور صوبے میں 2ٹاسک فورسز قائم کر دی گئی ہیں جبکہ اس گھناؤنے کاروبار میں ملوث عناصر کو سخت سزادلوانے اور اسے ناقابل ضمانت جرم قرار دلوانے کے لئے محکمہ قانون اور پراسیکیوشن سے مشاورت کے بعد قانون سازی کا عمل جاری ہے اور ترمیم شدہ مسودہ قانون تیار کر لیا گیا ہے۔ سیکرٹری صحت جوادرفیق ملک نے میڈیا کے نمائندوں کو بتایا کہ جعلی و غیرمعیاری اور غیررجسٹرڈ ادویات کے کاروبار کے خاتمے اور ڈرگز سے متعلق دیگر معاملات سے موثر طور پر نمٹنے کے لئے پنجاب میں الگ ڈرگ ریگولیٹری اتھارٹی قائم کی جا رہی ہے۔ انہوں نے بتایا کہ ڈرگ ٹیسٹنگ لیبارٹریز کے نتائج کو عالمی معیار کے مطابق بنانے کے لئے DTLs کو آؤٹ سورس کیا جا رہا ہے جس کے لئے انٹرنیشنل معیار کے ادارے آگے آ رہے ہیں۔ سیکرٹری صحت نے واضح کیا کہ اگر کسی علاقے میں جعلی ادویات کے کاروبار کے بارے میں کسی دیگر ایجنسی سے اطلاع ملی اور متعلقہ ڈرگ انسپکٹر نے اس بارے میں بروقت معلومات فراہم نہ کیں تو اس کے خلاف بھی کارروائی کی جائے گی۔ انہوں نے کہا کہ صوبے سے جعلی و غیرمعیاری ادویات کے کاروبار کو ہرصورت ختم کیا جائے گا۔مزید اہم خبریں
-
مہنگائی میں 1 فیصد سے زائد کمی کے باوجود بیشتر اشیاء مہنگی ہو گئیں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
ملٹی سیکٹورل سموگ ایکشن پلان پر آئندہ ہفتے سے عملدرآمد شروع ہوجائے گا
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.