تمام متعلقہ محکموں کو الرٹ رہنے اور ڈینگی سرویلنس کی سرگرمیوں میں تیزی لانے کی ہدایت کردی گئی ہیں‘ایڈیشنل سیکرٹری کوآپریٹو
درجہ حرارت میں اضافہ کیساتھ ہی ڈینگی کی افزائش کا سیزن شروع ہوچکا،ابھی تک ڈینگی کا کوئی کنفرم مریض رپورٹ نہیں ہوا‘رائے جاوید احمد
بدھ 13 مئی 2015 17:17
لاہور ( اُردو پوائنٹ اخبار تازہ ترین۔ 13 مئی۔2015ء) ایڈیشنل سیکرٹری کوآپریٹو رائے جاوید احمد نے کہا ہے کہ تمام متعلقہ محکموں کو الرٹ رہنے اور ڈینگی سرویلنس کی سرگرمیوں میں تیزی لانے کی ہدایت کردی گئی ہیں،درجہ حرارت میں اضافہ کے ساتھ ہی ڈینگی کی افزائش کا سیزن شروع ہوچکاہے تاہم صوبے میں ابھی تک ڈینگی کا کوئی کنفرم مریض رپورٹ نہیں ہوا۔انہوں نے کہا کہ لاہور میں ٹاؤن ایمرجنسی رسپانس کمیٹیوں کے اجلاس شروع ہوچکے ہیں اور ڈینگی سرویلنس کی سرگرمیوں کا بھی آغاز کردیا گیاہے ۔
انہوں نے بتایا کہ ڈینگی ایکسپرٹ ایڈوائزری گروپ نے اب تک ڈینگی مریضوں کی کلینیکل مینجمنٹ میں 1000 ڈاکٹرز کو تربیت فراہم کردی ہے اور جنرل پریکٹشنرز کو ٹریننگ دی جارہی ہے۔ اجلاس میں تمام متعلقہ محکموں کے افسران نے انسداد ڈینگی کی سرگرمیوں کے حوالے سے اپنے محکمے کی کارکردگی بارے رپورٹ پیش کی۔(جاری ہے)
اجلاس کو بتایا گیا کہ ٹائر شاپس، کباڑخانوں، قبرستانوں، تعمیراتی جگہوں ، نرسریوں اور دیگر مقامات پر ڈینگی سرویلنس کا آغاز کردیا گیا ہے۔
علاوہ ازیں اوقاف کی مساجد میں علماو اکرام کو جمعۃ المبارک کے خطبات کے دوران ڈینگی بارے آگاہی فراہم کرنے کے لیے بھی گیا گیاہے۔ کوآپریٹو سوسائٹیوں، تعلیمی اداروں اور دیگر جگہوں پر عوامی شعور بیدار کرنے کے لیے سیمینارز، آگاہی واک منعقد کرنے کا سلسلہ بھی شروع کردیا گیا ہے اور پمفلٹس بھی تقسیم کئے جارہے ہیں اور صفائی اور ڈینگی کے حوالے سے ہوٹلوں اور ریسٹورنٹس کی مانیٹرنگ بھی کی جارہی ہے ۔ انہوں نے متعلقہ محکموں کو ہدایت کی کہ آنے والے مہینوں میں ڈینگی کو قابو میں رکھنے کے لیے زیادہ محنت کے ساتھ انسداد ڈینگی کی سرگرمیوں پر توجہ دی جائے اور صوبے میں نافذ اینٹی ڈینگی ریگولیشنز پر عملدرآمد کو یقینی بنایا جائے۔متعلقہ عنوان :
مزید اہم خبریں
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
پی آئی اے خرید لو، بین الاقوامی مارکیٹ میں عنقریب اشتہار ات شائع ہونے کو تیار
-
جنوبی افریقہ: بس حادثے میں درجنوں افراد ہلاک
-
ملک کی تعمیر و ترقی میں سٹاک ایکسچینج کی حمایت شامل رہے گی،ڈاکٹر شمشاد اختر
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.