اورنگی ٹاؤن پانچ نمبر میں میٹرنل نیونیٹل اینڈ چائیلڈ ہیلتھ“سینٹر قائم

کراچی(اُردو پوائنٹ اخبار تازہ ترین۔ 26 مئی۔2015ء)پاکستان ریڈ کریسنٹ سوسائٹی سندھ برانچ کے ماتحت اورنگی ٹاؤن پانچ نمبر میں چلنے والے میٹرنٹی ہوم میں ماں اور بچے کی صحت کا ایک اور مرکز ”میٹرنل نیونیٹل اینڈ چائیلڈ ہیلتھ“سینٹر بھی قائم کیا گیاہے جس کا افتتاح پاکستان ریڈ کریسنٹ سوسائٹی سندھ
برانچ کی چیئرپرسن فرزانہ نائیک نے کیا۔

اس موقع افتتاح تقریب سے مہمان خصوصی خطاب کرتے ہوئے فرزانہ نائیک نے کہاکہ اورنگی ٹاؤن کراچی کے ایک کونے میں واقع ہے جہاں پر ماں اور بچوں کی صحت کے مرکز کی ضرورت تھی جوکہ اب پوری ہوچکی ہے جن کے لئے ابتدائی طور پر10بستروں پر مشتمل’ ”میٹرنل نیونیٹل اینڈ چائیلڈ ہیلتھ“سینٹر قائم کیا گیا جس کے بعد اس شعبہ میں بچوں کی نرسری،الٹراساؤنڈ اور ایکسرے کی بھی سہولت فراہم کردی جائے گی۔

(جاری ہے)

ان کا کہناتھاکہ پاکستان ریڈ کریسنٹ سوسائٹی کی جانب سے علاقے کی عوام کے لئے ”میٹرنل نیونیٹل اینڈ چائیلڈ ہیلتھ“سینٹر قائم کرنا کسی نعمت سے کم نہیں ہے جس سے علاقے کی عوام کو دور کے اسپتالوں میں جانے کی ضرورت نہیں پڑے گی جس سے ان کا وقت اور پیسہ بھی ضائع نہیں ہوگا۔پاکستان ریڈ کریسنٹ سوسائٹی سندھ برانچ کے سیکریٹری کنوروسیم نے کہاکہ سوسائٹی کی جانب سے کراچی سمیت صوبے بھر کے مختلف ڈسٹرکٹ میں عوام کو طبی سہولیات فراہم کرنے کے لئے چھوٹے بڑے طبی مراکز قائم ہیں جہاں پر ان کو ہر طرح کی طبی سہولیات فراہم کی جارہی ہیں اور یہی انسانیت کی خدمت کرنے کا سلسلہ جاری رہے گا۔

انہوں نے کہاکہ اب علاقے کی عوام کو چاہئے کہ وہ اس سینٹر میں آکر مفت سہولیات سے فائدہ اٹھائیں۔صوبائی ہیلتھ منیجر ڈاکٹر علی وارثی نے کہاکہ سینٹر کا افتتاح ہوچکا ہے جہاں پر خواتین اور بچوں کو مفت علاج و معالجہ سمیت ان کو ہر طرح کی ویکسی نیشن کی بھی سہولت دی جائیں گی تاکہ وہ مختلف بیماریوں سے محفوظ رہ سکیں اور محفوظ زچگی اور بہتر علاج ممکن ہوسکے۔ میٹرنٹی ہوم کی انچارج ڈاکٹرفوزیہ کاکہناتھاکہ پچھلے پانچھ ماہ میں ہم نے 200سے زائدکامیاب ڈلیوریزکی اور 3500سے زائدبچوں کوویکسین مہیاکی ہے۔ افتتاحی تقریب میں سندھ برانچ مینجنگ کمیٹی کے ارکان شیخ جلال الدین ، ڈاکٹر ماجدعلوی سمیت دیگر اسٹاف ممبران نے بھی شرکت کی۔#