ترش پھل جلد کے کینسر کے مرض میں اضافے کا سبب بنتے ہیں، تحقیق

ہفتہ 4 جولائی 2015 15:29

لندن(اُردو پوائنٹ اخبار تازہ ترین۔ 04 جولائی۔2015ء ) جدید تحقیق کے مطابق ترش پھلوں کا مسلسل استعمال جلد کے مہلک ترین کینسر میلانوما کے خطرے میں اضافہ کرتا ہے۔ کینسرسے متعلق بین الاقوامی جریدے ”کلینکل اونکولوجی جرنل“ میں شائع ہونے والی رپورٹ کے مطابق امریکا کی براوٴن یونیورسٹی کے شعبہ ڈرماٹولوجی سے منسلک ماہرین نے 1984 سے 2010 کے درمیان ایک لاکھ 5 ہزار سے زائد افراد کی روز مرہ معمولات اوران کی غذا کا تجزیہ کیا۔

(جاری ہے)

تحقیق کے دوران یہ انکشاف سامنے آیا کہ وہ لوگ جو سنترے یا چکوترے کوغیر ضروری طورپراپنی غذا میں بہت زیادہ شامل رکھتے ہیں، انھیں سورج کی روشنی میں طویل وقت گزارنے سے گریزکرنا چاہیئے کیونکہ ایسا کرنے سے ان میں جلد کے موذی کینسرمیلانوما میں مبتلا ہونے کے خطرات 36 فی صد تک بڑھ جاتے ہیں۔تحقیق میں شامل سائنسدان شاوائے وو کا کہنا ہے کہ ترش پھلوں کا یہ اثر ان میں موجود ممکنہ طورپر’فیوروکیومرنس’ نامی زہریلے نامیاتی مرکبات کی وجہ سے تھا،جوجلد کو سورج کے لیے اورخاص طورپربالائے بنفشی شعاوٴں کے لیے حساس بناتے ہیں، اس کے نتیجے میں چہرے کی رنگت خراب ہونے اوردھوپ سے جلد کے جھلسنے کے خطرے میں اضافہ ہوتا ہے۔

Facebook Twitter Google + Share on Whatsapp

ترش پھل جلد کے کینسر کے مرض میں اضافے کا سبب بنتے ہیں، تحقیق

مزید بین الاقوامی خبریں