پودینہ کولیسٹرول کو کم کرنے کے ساتھ ساتھ ہڈیوں کو مضبوط کر تا ہے، حکما

منگل 14 جولائی 2015 16:39

لاہور ( اُردو پوائنٹ اخبار تازہ ترین۔ 14 جولائی۔2015ء)ادارہ فروخ طب یونانی پاکستان کے طبی ماہرین حکیم عبدالوحید سلیمانی، حکیم طلحہ وحید سلیمانی، حکیم عروہ وحید سلیمانی، حکیم عمار وحید سلیمانی، حکیم محمد افضل میو، حکیم عبدالواحد، حکیم سید عارف رحیم، حکیم غلام عباس، حکیم غلام مصطفی، حکیم کاشف رضا، حکیم کلیم اللہ ملک اور اے ون لیبارٹریز کے چیف ایگزیکٹو ابرار احمد کا کہنا ہے کہ پودینہ کولیسٹرول کو کم کرنے کے ساتھ ساتھ ہڈیوں کو مضبوط کر تا ہے۔

جدید تحقیق سے یہ بات سامنے آئی ہے کہ پودینے کا مسلسل استعمال انسانی جسم میں کولیسٹرول لیول کو کم کرتا ہے اور اس میں موجود مگنیشیم ہڈیوں کو طاقت دیتا ہے۔ ماہرین کا کہنا ہے کہ پودینہ بظاہر ایک معمولی سی سبزی نظر آتی ہے تاہم اس میں بے شمار خوبیاں پائی جاتی ہیں۔

(جاری ہے)

ان کا کہنا ہے کہ پودینے کی پتیوں کا تازہ رس لیموں اور شہد کے ساتھ اسی مقدار میں شامل کر کے استعمال کرنے سے پیٹ کی تمام بیماریوں میں آفاقہ ہو تا ہے۔

کھانسی اور زکام کی صورت میں پودینے کا رس کالی مرچ اور کالے نمک کا ساتھ اُبال کر استعمال کرنے سے آرام ہوتا ہے۔ہچکی کی صورت میں پودینے کی پتیاں چبانے سے ہچکیاں بند ہو جاتی ہیں۔گرمیوں میں جی متلانے اور قے آنے کی صورت میں ایک چمچ خشک پودینے کا پاؤڈر میں الائچی کا پاؤڈر ایک گلاس پانی میں اُبال کر استعمال کرنے سے طبعیت بحال ہو جاتی ہے۔ماہرین کا کہنا ہے کہ سر درد کی صورت میں پودینے کی پتیوں کا لیپ بنا کر ماتھے پر لگانے سے آرام آ جات ہے۔اُنھوں نے مشورہ دیا کہ اے ون لیبارٹریز حبیب آباد قصور کا تیار کردہ شربت پودینہ تبخیر معدہ(گیس ٹربل) متلی قے اور سینے کی جلن میں بے حد مفید ہے۔

Facebook Twitter Google + Share on Whatsapp

پودینہ کولیسٹرول کو کم کرنے کے ساتھ ساتھ ہڈیوں کو مضبوط کر تا ہے، حکما

مزید قومی خبریں