ہر سال 15 لاکھ افراد ہیپاٹائٹس اور جگر کے دیگر موذی مرض سے ہلاک ہو جاتے ہیں‘عالمی ادارہ صحت

جمعہ 24 جولائی 2015 17:02

لاہور ( اُردو پوائنٹ اخبار تازہ ترین۔ 24 جولائی۔2015ء) عالمی ادارہ صحت کی رپورٹ کے مطابق دُنیا بھر میں 50 کروڑ افراد ہیپاٹائٹس اور جگر کے دیگر امراض میں مبتلا ہیں جبکہ ہر سال 15 لاکھ افراد اس موذی مرض سے ہلاک ہو جاتے ہیں، قومی آبادی کا 3فیصد حصہ ہیپاٹائٹس بی اور7فیصد سی کا شکار ہے۔ ہیپاٹائٹس اے اور سی غیر معیاری کھانوں اور آلودہ پانی سے پھیلتے ہیں جبکہ بی وائرس سے پھیلتا ہے جس سے بچاؤ کی ویکسین دستیاب ہے لیکن ہیپاٹائٹس سی سے قبل از وقت بچاؤ کی ویکسین دستیاب نہیں۔

ہیپاٹائٹس دراصل ایسی سوزش کا نام ہے جو خلیات تباہ کر دیتی ہے اور نظام ہضم کو بُری طرح متاثر کرتی ہے۔ ان خیالات کا اظہار ادارہ فروغ طب یونانی پاکستان کے مرکزی صدر حکیم عبدالوحید سلیمانی ، حکیم طلحہ وحید سلیمانی ، حکیم عروہ وحید سلیمانی ، حکیم عمار وحید سلیمانی ، حکیم محمد افضل میو ، حکیم عبدالواحد ، حکیم طاہر خاں ، حکیم محمد عابد قصوری ، حکیم سید عارف رحیم ، حکیم غلام عباس ، حکیم کاشف رضا، حکیم محمد شہباز سرور اور حکیم کلیم اللہ ملک نے ادارہ فروغ طب یونانی پاکستان کے زیر اہتمام ہیپاٹائٹس کے موضوع پر منعقدہ ایک مجلس مذاکرہ میں گفتگو کرتے ہوئے کیا۔

(جاری ہے)

انہوں نے بتایا بعض اوقات پیٹ میں پانی بھر جاتا ہے جو انتہائی خطرناک صورت میں ہوتا ہے۔ دُنیا کا بارہواں شخص اس موذی مرض کا شکار ہے جبکہ پاکسان میں ڈیڑھ کروڑ افراد متاثر ہو چکے ہیں۔ انہوں نے مشورہ دیا کہ طب یونانی طریقہ علاج میں ہیپاٹائٹس کی تمام اقسام کا کامیاب علاج موجود ہے۔

Facebook Twitter Google + Share on Whatsapp

ہر سال 15 لاکھ افراد ہیپاٹائٹس اور جگر کے دیگر موذی مرض سے ہلاک ہو جاتے ہیں‘عالمی ادارہ صحت

مزید قومی خبریں