پولیو موذی ،ناقابل علاج مرض ہے ، والدین بچوں کو معذوری سے بچانے کیلئے قطرے ضرور پلوائیں، ڈپٹی کمشنر ژوب

ژوب (اُردو پوائنٹ اخبارتازہ ترین - این این آئی۔02 جنوری۔2016ء) پولیو ایک موذی اور ناقابل علاج مرض ہے بچوں کو عمر بھر کی معذوری سے بچانے کیلئے انسداد پولیو کے قطرے ضرور پلائیں انسداد پولیو مہم میں کسی قسم کی غفلت یا کوتاہی برادشت نہیں کی جائیگی ژوب میں63 ہزار سے زائدبچوں کو انسداد پولیو کے قطرے پلائیں جائینگے ان خیالات کا اظہار ڈپٹی کمشنرژوب نذر محمد کھیتران ن نے ژوب میں انسداد پولیو مہم کا جائزہ لینے کے لئے ڈی پیک میٹنگ سے خطاب کرتے ہوئے کیا اس موقع ڈسٹرکٹ کونسل چیرمین شیخ محمد یوسف ڈپٹی چیرمین قاضی احمد خوستی چیرمین میونسپل کمیٹی عبدالسلیم مندوخیل دپٹی چیرمین نصیب خان ناصر اے سی علی اعجاز اے ڈی لائیو سٹاک ڈاکٹر بہاوالحق ڈی ایس ایم پی پی ایچ آئی شیخ جہانزیب ایڈمن افیسر سید امان شاہ یونیسیف کے صمد خان حریفال محمد اشرف محمد انور ڈی ایچ او ڈاکٹرمظفر شاہ میڈیکل سپرنٹنڈنٹ ڈاکٹراختر محمد مندوخیل ڈاکٹر میرداد ڈاکٹر زین الدین ڈاکٹر صوبا خان ڈاکٹر زاہد ڈاکٹر اسماعیل فوکل پرسن بوستان علی اور دیگر بھی موجود تھے ڈپٹی کمشنر نذر محمد کھیتران نے کہا کہ پولیو ایک موذی اور ناقابل علاج مرض ہے بچوں کو عمر بھر کی معذوری سے بچانے کیلئے انسداد پولیو کے قطرے ضرور پلائیں انسداد پولیو مہم میں کسی قسم کی غفلت یا کوتاہی برادشت نہیں کی جائیگی تمام یو سی ایم او اور ایریا انچارج ایمانداری سے فرائض کی ادائیگی کو یقینی بنائے کوتاہی یا غفلت کے مرتکب اہلکاروں کے خلاف سخت کاروائی عمل میں لائی جائیگی انہوں نے کہا کہ ژوب میں63 ہزار سے زائدبچوں کو انسداد پولیو کے قطرے پلائیں جائینگے انہوں نے کہا کہ والدین بچوں کو عمر بھر کی معذوری سے بچانے کیلئے انسداد پولیو کے قطر ے ضرور پلائیں انہوں ے کہا کہ پولیو سے بچاو‘ کے ویکسین حفظان صحت کے اصولوں کے مطابق تیار کی گئی ہے پولیو مہم کو کامیاب بنانے کیلئے تمام وسائل بروئے کار لائے جا رہے ہیں ۔