انگولا میں 120چینی باشندوں کو زرد بخار کے ٹیکے لگائے گئے

لوانڈہ(اُردو پوائنٹ اخبارتازہ ترین - آئی این پی۔29 مارچ۔2016ء/شنہوا)چین کی ایک10رکنی میڈیکل ٹیم نے 120چینی باشندوں کو جو انگولا میں کام کر رہے تھے۔زرد بخار کے ٹیکے لگائے،چینی میڈیکل ٹیم کی یہ کارروائی دونوں ملکوں کے درمیان باہمی تعاون کے سلسلے کی کڑی ہے۔چینی میڈیکل ٹیم نے 200سے زائد باشندوں کا طبی معائنہ کیا جن کی عمریں 14سال سے کم تھی، یہ لوگ جنوبی لوانڈہ میں چین کی ریلوے کنسٹرکشن کمپنی میں کام کررہے ہیں۔

(جاری ہے)

اس سے پہلے 8چینی باشندے جو افریقی ملکوں میں کام کر رہے تھے،زرد بخار کے باعث ہلاک ہوگئے تھے۔توقع ہے کہ چینی میڈیکل ٹیم انگولا میں کام کرنے والے چینی کمپنی کے ملازمین کو ناصرف زرد بخار کی ادویات دے گی بلکہ وہ زرد بخار پر قابو پانے کیلئے انہیں مناسب تعلیم اور تربیت بھی دے گی۔یاد رہے کہ انگولا کے دارلحکومت لوانڈہ میں189انگولا کے باشندے زرد بخار کے باعث ہلاک ہوگئے تھے۔یہ بخار ایک قسم کے مچھروں کے کاٹنے سے ہوجاتاہے،انگولا کی حکومت نے ایک ویکسین کی 5.7ملین خوراکیں فراہم کی ہیں اور لوانڈہ کی 75فیصد سے زائد آبادی کو زرد بخار کے ٹیکے لگائے ہیں جبکہ دیگر صوبوں میں بھی ٹیکے لگانے کی مہم جاری ہے۔