بلوچستان کے 13 اضلاع میں پولیو مہم کا آغاز

تین روزہ مہم کے دوران سکیورٹی کے سخت انتظامات ، چودہ لاکھ تیرانوے ہزار بچوں کو قطرے پلائے جائینگے

پیر 25 اپریل 2016 11:38

کوئٹہ (اُردو پوائنٹ اخبارتازہ ترین - آئی این پی۔25 اپریل۔2016ء) بلوچستان کے 13 اضلاع میں 3 روزہ انسداد پولیو مہم پیر سے شروع ہوگئی۔ مہم کے دوران سیکورٹی کے سخت انتظامات کئے گئے ۔

(جاری ہے)

بلوچستان کے صوبائی کوآرڈینیٹر ایمرجنسی سیل ڈاکٹر سیف الرحمن کے مطابق سہ روزہ پولیو مہم کے دوران 6 بلوچستان کے 13 اضلاع میں 5 سال تک کے 14 لاکھ 93 ہزار بچوں کو پولیو سے بچاؤ کی حفاظتی ویکسین پلائی جائے گی۔ انسداد پولیو مہم کے لیے 3 ہزار 6 سو 19 موبائل ٹیمیں تشکیل دی گئی ہیں جبکہ 3 سو 95 فکسڈ سپورٹ سینٹرز بنائے گئے ہیں۔ مہم کے دوران رضا کاروں اور پولیو ورکرز کو فول پروف سیکورٹی فراہم کرنے کے لیے پولیس ، فرنیٹیئر کور اور لیویز اہلکار تعینات رہیں گے جبکہ ایف سی اور پاک آرمی کا تعاون بھی حاصل رہے گا۔