ایک منٹ کی ورزش بھی فٹ رکھنے کیلئے کافی ہے ‘ طبی تحقیق

ہفتہ 30 اپریل 2016 12:02

اوٹاوا (اُردو پوائنٹ اخبارتازہ ترین - این این آئی۔30 اپریل۔2016ء) کینیڈا میں ہونے والی طبی تحقیق میں کہاگیا ہے کہ محض 60 سیکنڈ کی سخت ورزش بھی جسمانی وزن میں کمی اور فٹنس لیول بڑھانے کے لیے کافی اہم کردار ادا کرسکتی ہے۔میک ماسٹر یونیورسٹی کی تحقیق کے مطابق روزانہ ایک منٹ کی سخت ورزش سے بھی اتنے ہی طبی فوائد حاصل ہوتے ہیں جو زیادہ دورانیے تک کرنے کے نتیجے میں حاصل ہوتے ہیں۔

(جاری ہے)

محققین کے مطابق یہ ورزش کے حوالے سے ایک موثر حکمت عملی ہے، مختصر مگر سخت ورزش انتہائی فائدہ مند ثابت ہوتی ہے۔محققین نے اس حوالے سے رضاکاروں پر تجربات کیے اور انہیں مختلف ورزشیں کرنے کی ہدایت کرتے ہوئے ان کی جسمانی فٹنس اور انسولین کی حساسیت جیسے طبی اشاریوں کو جانچا۔نتائج سے معلوم ہوا کہ جن لوگوں نے ایک منٹ تک ورزش کی ان کی صحت میں کچھ عرصے بعد اتنی ہی بہتری آئی جتنی عام طور پر زیادہ دیر تک ورک آؤٹ کرنے والوں میں آتی ہے۔محققین کے مطابق بیشتر افراد وقت نہ ہونے کو جسمانی ورزش سے دوری کا جواز بناتے ہیں مگر ہماری تحقیق کے نتائج سے ثابت ہوتا ہے کہ آپ کم وقت میں بھی صحت اور فٹنس فوائد حاصل کرسکتے ہیں۔

Facebook Twitter Google + Share on Whatsapp

ایک منٹ کی ورزش بھی فٹ رکھنے کیلئے کافی ہے ‘ طبی تحقیق

مزید بین الاقوامی خبریں