حجا مہ خالصتاََطب اسلامی کا خاصہ تھا جو آج چین کا قومی طریقہ علاج ہے ‘ مقررین

یہ ایک ایسا طریقہ علاج ہے جس کے کوئی مضر اثرات نہیں ‘ ڈاکٹر میاں ناہید امجد عارفی، ڈاکٹر محمد افضل میوو دیگر کا خطاب

پیر 6 جون 2016 18:40

لاہور ( اُردو پوائنٹ اخبارتازہ ترین - این این آئی۔06 جون۔2016ء) حجا مہ خالصتاَطب اسلامی کا خاصہ تھا جو آج چین کا قومی طریقہ علاج ہے مگر پاکستان میں چند لوگ ہی اسے جانتے ہیں، یورپ کے بعض ممالک اور امریکہ میں الٹرنیٹو میڈیسن کے طلبا کو یونیورسٹیوں میں حجامہ پر خصوصی نصاب پڑھایا جاتا ہے،بعض عرب ریاستوں میں لوگوں نے انفرادی حیثیت میں اس پر اچھا کام کیا ہے اور اب پاکستان میں پہلی مرتبہ جدید انداز، نئی سوچ، جذبہ احیائے طب اسلامی اور جذبہ خدمت خلق کے تحت اس طریقہ علاج کو فروغ دیا جا رہا ہے،نیشنل کونسل فار طب حکومت پاکستان کے صدر ڈاکٹر ضابطہ خاں شنواری کا نیشنل کونسل کے تحت حجامہ کورس متعارف کا بیان خوش آئندہے۔

اِن خیالات کا اظہار نیشنل ہولسٹک میڈیکل کالج اینڈ انجینئرنگ ٹیکنالوجی ڈاکٹر میاں ناہید امجد عارفی، ڈاکٹر محمد افضل میو، ڈاکٹر محمد اسلم جوئیہ، حکیم سید عارف رحیم ، حکیم سید مبارز رحیم ، حکیم محمد شاہد لطیف رانا، حکیم عبدالر حمن عثمانی، حکیم حافظ مسعودالحسن رشیدی، حکیم غلام عباس، حکیم حاجی محمد شہباز سرور، حکیم کاشف رضا اور حکیم محمد ابوبکر نے حجامہ کی افادیت کے موضوع پر منعقدہ مجلس مذاکرہ میں گفتگو کرتے ہوئے کیا۔

(جاری ہے)

انہوں نے بتایا کہ آج لوگ مختلف بیماریوں کے طریقہ ہائے علاج معالجے سے عاجز آ چکے ہیں۔ ایلوپیتھی ماہرین نے بہت سے امراض کو مہلک اور لا علاج کہ کر انسانیت پر ظلم کیا ہے۔ اِن حالات میں کیوں نہ ہم یہ طریقہ علاج اپنائیں کیونکہ یہ ایک ایسا طریقہ علاج ہے جس کے کوئی مضر اثرات نہیں ہیں۔ جس کی شفا بخشی پر نبی کریمﷺ نے مہر لگا دی ہے۔ جو سنت مصطفی سے متواتر ثابت ہے۔ جو فطر کے عین مطابق ہے اور جو کینسر ، ایڈز ، وہم اور پاگل پن کو ٹھیک کر تا ہے۔