عید الفطر کے موقع پر مون سون کے پیش نظر انسداد ڈینگی اقدامات وسرویلنس جاری رہے گا ،لبنیٰ فیصل

لاہور۔30 جون (اُردو پوائنٹ اخبارتازہ ترین - اے پی پی۔30 جون۔2016ء) رکن صوبائی اسمبلی لبنیٰ فیصل نے کہا ہے کہ مون سون میں معمو ل سے زیادہ بارشوں کے امکان کے پیش نظر عید الفطر کی تعطیلات کے دوران لاہور اور والٹن کنٹونمنٹ بورڈز کے تمام ہائی رسک اور ہاٹ سپاٹ مقامات پر انسداد ڈینگی سکواڈ روٹیشن میں لاروا سرویلنس ڈیوٹی سر انجام دیتا رہے گا اور مساجد ، عید گاہوں وپبلک مقامات پر صفائی کے فول پروف انتظامات کو یقینی بنایا جا ئے گا ۔

انہوں نے یہ بات ٹاؤن ایمرجنسی رسپانس کمیٹی برائے انسدادڈینگی لاہور اور والٹن کنٹونمنٹ بورڈ ز کے اجلاس کی صدارت کرتے ہوئے کہی۔ انہوں نے کہا کہ حکومت پنجاب کے جاری کردہ ایس او پیز پر بھر پور عملدرآمدکو یقینی بنا یا جائے ۔تمام محکمے اور ادارے انسداد ڈینگی اقدامات بلا تعطل جاری رکھیں اور لاروا سر ویلنس کے حوالے سے گھروں کو خاص طور پر چیک کریں تا کہ شہریوں کو اس موذی وبا سے محفوظ ر کھا جا سکے ۔

(جاری ہے)

تمام متعلقہ انوائرمنٹ انسپکٹرز ہائی رسک ایریاز میں آؤٹ ڈور اور ان ڈور لاروا سرویلنس پر خصوصی توجہ دیں۔بارش کی صورت میں نشیبی جگہوں پر پانی جمع نہ ہونے دیں۔ اجلاس کو بتایا گیا کہ گزشتہ ہفتے کے دوران انسداد ڈینگی اقدامات کے تحت اینٹی ڈینگی ریگولیشنز پر عملدرآمد نہ کرنے والے ذمہ دار افراد جبکہ کمرشل وگھریلو مقامات پر صفائی کا خیال نہ رکھنے والوں کو حتمی نوٹس جاری کئے گئے ہیں۔

اے سی کینٹ سارہ حیات، ڈپٹی ڈسٹرکٹ آفیسر ہیلتھ آصف محمود ،سینئر انٹامالوجسٹ سعید الرحمن،انوائرمنٹ وسینٹری انسپکٹرز کے علاوہ کینٹ کے مختلف سکولوں اور کالجز کے سربراہان ،محکمہ فشریز،تعلیم،کوآپریٹو،لاہور اور والٹن کنٹونمنٹ بورڈز ، ڈی ایچ اے اور آرمی ایریاز کے نمائندو ں نے بھی اجلاس میں شرکت کی۔