انسدادڈینگی کمیٹی ٹاؤن ایڈمنسٹریشن اقبال ٹاؤن کا اجلاس

لاہور ( اُردو پوائنٹ اخبارتازہ ترین - این این آئی۔30 جولائی ۔2016ء) انسدادڈینگی کمیٹی ٹاؤن ایڈمنسٹریشن اقبال ٹاؤن کا اجلاس جوائنٹ رجسٹرارکو آپریٹو نثار زیدی کی سربراہی میں منعقد ہوا۔اجلاس کو بتایا گیا کہ ا قبال ٹاؤن کی 19یونین کونسلوں میں 17234 انڈور سپاٹس اور42194کنٹینرز کو چیک کیا گیاجبکہ 2433 آؤٹ ڈو رمقامات اور4424 کنٹینرز کوبھی چیک کیا گیا۔

134مقامات پر ایڈیس لاروا پایا گیا جسے موقع پر فوری تلف کر دیا گیا۔ اس موقع پر اسسٹنٹ کمشنر علی شہزاد کے علاوہ محکمہ صحت،ایل ڈبلیو ایم سی، پی ایچ اے، زراعت ،آئی ٹی اور سپیشل برانچ کے نمائندگان کے علاوہ یونین کونسلوں کے سیکر ٹریز بھی موجود تھے۔اسسٹنٹ کمشنر علی شہزاد نے کہا کہ تمام یونین کونسلوں کے سیکرٹریز برسات کے دوران جمع ہونے والے برساتی پانی کے نکاس کے لئے تمام انتظامات پر عمل در آمد کو یقینی بنائیں جبکہ گندے پانی کے نکاسی آب کی روانی میں کسی قسم کی رکاوٹ کو حائل نہ ہونے دیں تاکہ ڈینگی لاروا کی افزائش نہ ہو پائے۔

(جاری ہے)

صفائی نصف ایمان کو اپنا موٹو بنا کر ہم ڈینگی وبا پر ہمیشہ کے لئے قابو پا سکتے ہیں۔اس سلسلے میں عوام کی کاوشیں رنگ لا سکتی ہیں اور ڈینگی لاروا کی افزائش پر کنٹرول پایا جا سکتا ہے۔ انہوں نے تمام محکموں کے افسران کو ہدایت کی کہ اگر کسی بھی محکمہ کی طرف سے کوتاہی پائی گئی تو اس کے خلاف محکمہ کو سخت کاروائی کے لئے ہدایت کی جائے گی۔انہوں نے کہا کہ تمام کو آپریٹو و پرائیویٹ ہاؤسنگ سو سائٹیوں کا اینٹی ڈینگی انتظامات کے سلسلہ میں معائنہ کر کے رپورٹ پیش کی جائے۔