ڈینگی بارے احتیاطی تدابیر اختیارنہ کرنیوالوں کیخلاف قانون کے مطابق کارروائی کریں،ڈی سی اوقصور

قصور۔یکم اگست(اُردو پوائنٹ اخبارتازہ ترین - اے پی پی۔یکم اگست ۔2016ء ) ڈی سی اوقصور عمارہ خان نے کہا ہے کہ ضلع کو ڈینگی سے بچاؤکیلئے تمام وسائل بروئے کار لائے جارہے ہیں‘ اسسٹنٹ کمشنر زڈینگی سرویلنس سرگرمیوں کی نگرانی کرینگے‘ ہیلتھ انسپکٹرز یونین کونسل کی سطح پر ان ڈور اور آؤٹ ڈور ٹیموں کی کارکردگی بارے روزانہ کی بنیادپررپورٹ دینے کے پابندہونگے۔

ان خیالات کا اظہار ڈی سی اوقصور عمارہ خان نے ڈینگی تدارک اور اسکی روک تھام کے حوالے سے منعقدہ اجلاس کی صدارت کرتے ہوئے کیا۔ اجلاس میں تمام محکموں کے افسران نے شرکت کی۔ اس موقع پر جیوٹیکنگ کے بارے میں بتایا گیا کہ تحصیل کوٹرادھاکشن اور چونیاں کی ہارٹ سپارٹ کی جیوٹیکنگ مکمل ہوچکی ہے جبکہ قصور اورپتوکی کی جلدمکمل کرلی جائیگی۔

(جاری ہے)

انہوں نے بعض محکموں کی طرف سے ڈینگی رپورٹ موصول نہ ہونے پر برہمی کا اظہار کرتے ہوئے حکم دیاکہ متعلقہ افسران کو شوکازنوٹس جاری کئے جائیں۔

انہوں نے ای ڈی اوہیلتھ کو ہدایت کی کہ وہ آئندہ اجلاس میں تمام محکموں کی حاضری کویقینی بنائیں جبکہ ڈی او سوشل ویلفیئرکوحکم دیا کہ وہ تمام این جی اوز کو ڈینگی آگاہی سرگرمیوں کیلئے فعال کریں۔اجلاس میں بتایاگیاکہ گزشتہ ہفتے محکمہ ریونیونے 10شوکازنوٹس اور 20ایف آئی آرزدرج کروائی ہیں اور 5دکانیں سیل کی ہیں اسی طرح ٹی ایم اوقصورنے 25نوٹسزاور5 ایف آئی آرزدرج کروائی ہیں جس پرانہوں نے دیگرمحکموں کے افسران کوہدایت کی کہ وہ بھی ڈینگی کے حوالے سے احتیاطی تدابیر اختیارنہ کرنیوالوں کیخلاف قانون کے مطابق کارروائی کریں۔