کھیرا سرطان کی مختلف اقسام سے بچاو میں معاون ہے،ماہرین صحت

جمعہ 26 اگست 2016 14:24

اسلام آباد ۔ 25 اگست (اُردو پوائنٹ اخبارتازہ ترین - اے پی پی۔26 اگست۔2016ء) ماہرین صحت کاکہناہے کہ کھیرا سرطان کی مختلف اقسام سے بچاو میں معاون ہے ۔عالمی ادارہ صحت کے ماہرین کی تحقیق کے مطابق کھیروں میں ایسے کیمیائی اجزا پائے جاتے ہیں جو کئی اقسام کے کینسر کا خطرہ کم کر دیتے ہیں جن میں چھاتی ، بیضہ دانی ، رحم اور پروسٹیٹ کینسر شامل ہیں۔

(جاری ہے)

ماہرین کاکہناہے کھیروں میں کیوکر بٹیسن بھی پایا جاتا ہے جو کینسر کے خلیات کو پھیلنے سے روکتے ہیں جبکہ ان میں موجود سلیکا جوڑوں اور کنکٹیو ٹشوز کو مضبوط کرتا ہے جبکہ پوٹاشیم، میگنیشیم اور فائبر کا مواد بلڈ پریشر درست رکھنے میں مدددیتا ہیں ۔

غذائی ماہرین کا کہناہیکہ کھیرے کا باقائدگی سے استعمال جسم میں کیلوریز، کاربوہائیڈریٹس، سوڈیم، فیٹس اور کولیسٹرول کی مقدار کو کنٹرول ، ورم ، جلد کی سوزش اور جھریوں کو روکنے کی خصوصیات رکھتا ہے۔ کھیرے جلد کا رنگ صاف رکھنے کے ساتھ ساتھ بالوں کی افزائش کا عمل تیز کرنے میں مدد کرتا ہے ۔کھیرے وٹامن بی اور سی سے بھرپور ہوتے ہیں جو جسمانی توانائی اور مستعدی کے لیے ضروری ہیں۔ اس میں موجود مٹھاس اور الیکٹرولائیٹس ضروری غذائی اجزا سے بھرپور ہوتے ہیں جو تھکاوٹ اور سر درد میں بھی مدد کرتے ہیں ۔