رولنگ اسٹونز کے گانے نے مریض میں جان ڈال دی

بدھ 20 اگست 2008 14:20

واشنگٹن(اردوپوائنٹ اخبا ر تازہ ترین20اگست2008 ) برطانوی بینڈ کے ممبرزدی رولنگ اسٹونز کو ہیرو کا درجہ دیا جانے لگا ۔رولنگ اسٹونز کا گانا ان کے ایک فین کو جو کوما میں تھا‘سنایا گیا تو وہ حیرت انگیز طور پر اسے سن کے اٹھ بیٹھا۔برطانوی شہری سیم کارٹر نے اینمیا کے مہلک مرض میں مبتلا ہونے کے بعد اپنے حواس کھو دیے اور کوما میں چلا گیالیکن جیسے ہی اس کے پسندیدہ بینڈ رولنگ اسٹونز کا گانا ’آئی کانٹ گیٹ نو سیٹسفیکشن ‘کی آواز کانوں میں گئی وہ ہوش میں آگیا۔

(جاری ہے)

کارٹر کی حالت اتنی نازک تھی کہ ڈاکٹروں کو ان کے زندہ رہنے کی صرف تیس فیصد ہی امید تھی۔ذرائع کے مطابق کارٹر کی اہلیہ ایوا نے ڈاکٹروں کو یہ مشورہ دیا کہ اس کا پسندیدہ گانا ہیڈفونز لگا کر انہیں سنایا جائے ۔کارٹر نے ہوش میں آنے کے بعد کہا کہ اچانک مجھ میں ایک بجلی سی کوند گئی ہواوررولنگ اسٹونز کا یہ پہلا گانا ہے جسے میں نے زندگی میں پہلی بار سنا تھااور اب اس کو سنتے ہی مجھے محسوس ہوا کہ ابھی بہت زندگی باقی ہے ۔انہوں نے مزید کہا کہ مجھے اچھا لگے گا اگر میں ذاتی طور پر اسٹون بینڈ کے مائیک (جیگر) کو شکریہ کروں کیوں کہ مجھے ایسا محسوس ہوتا ہے کہ سچ میں انہوں نے زندگی کی طرف آنے میں میری مدد کی ہے۔