بالی وڈ اسٹار امیتابھ بچن کی صحت میں بدستور بہتری آرہی ہے ، ترجمان ہسپتال

جمعرات 16 اکتوبر 2008 12:59

ممبئی(اردوپوائنٹ اخبا ر تازہ ترین16 اکتوبر2008) بالی وڈ اسٹار امیتابھ بچن کی صحت میں بدستور بہتری آرہی ہے۔ممبئی کی اسپتال لیلا وتی کے ترجمان موہن راجن کا کہنا ہے کہ امیتابھ بچن کی صحت میں دن بہ دن بہتری آرہی ہے۔انہوں نے کہا کہ بالی وڈاسٹار کی صحت میں بہتری کے باوجودڈاکٹرز حتمی طور پر نہیں بتاسکتے انہیں کب اسپتال سے فارغ کیا جائے گا۔

(جاری ہے)

ان کا کہنا تھا کہ میڈیا سے درخواست کی جاتی ہے کہ وہ بے بنیاد قسم کی خبروں کو نہ پھیلائیں اور حقائق مسخ نہ کریں۔

امیتابھ بچن کو ہفتہ کے روز سالگرہ کے موقع پر پیٹ کی تکلیف نے آگھیرا تھا جس کی وجہ سے انہیں اسپتال منتقل کیا گیا۔بگ بی کی اہلیہ جیا بچن،بیٹی شویتا نندا،ابھیشک بچن اور ایشوریا رائے ان سے ملنے آتے ہیں اور اب بچن بھی اس قابل ہوگئے ہیں کہ وہ ان سے بات چیت کرسکیں۔

Facebook Twitter Google + Share on Whatsapp

بالی وڈ اسٹار امیتابھ بچن کی صحت میں بدستور بہتری آرہی ہے ، ترجمان ہسپتال

متعلقہ عنوان :

مزید فن و فنکار کی خبریں