تمام طبقے تعاون کریں سوات سمیت مالاکنڈ میں امن سمجھوتہ کامیاب رہے گا مولانا صوفی محمد کی پریس کانفرنس میں اپیل،حکومت سے فوجی کارروائی روکنے فوج کی سکولوں اور ہسپتالوں سے منتقلی اور معزول ملازمین کی فوری بحالی کا مطالبہ،طالبان سے مسلح کارروائیاں اور اسلحہ کی نمائش بند کرنے اور سرکاری انتظامیہ کے امور میں کوئی مداخلت نہ کرنے کا مطالبہ
پیر 23 فروری 2009 15:58
(جاری ہے)
انہوں نے کہاکہ حکومت جن سیکورٹی اہلکاروں کو معزول یا قید کیا ان کو فوراً بحال کرے اور ان اہلکاروں سے درخواست ہے کہ وہ فوراً اپنے فرائض سرانجام دینے کیلئے اپنی ڈیوٹیاں سنبھالیں حکومت متاثرین جنگ کے نقصانات کا ازالہ کرے اور وزیراعلی سرحد کے اعلان کے مطابق عمل کیا جائے اور وزیراعلی سرحد سے درخواست ہے کہ وہ یہ نیک کام سوات آکر اپنے ہاتھ سے شروع کریں ۔
انہوں نے تحریک طالبان کے قائدین سے درخواست کی کہ وہ اپنے طالبان ساتھیوں کو فوری طورپر حکم دے کہ وہ ناکہ بندی اور تلاشی کا کام بند کردیں مسلح چلنا پھرنا اور دیگر کارروائیاں بھی ختم کردیں ۔تحریک طالبان سے درخواست ہے کہ وہ خوراک اورامدادی سامان کے ساتھ ساتھ فوجیوں کی سلامتی کو نقصان پہنچانے کیلئے راستے میں رکاوٹ نہ ڈالیں اور ان کے کاموں میں مداخلت نہ کریں حکومت اور طالبان کے پاس جتنے بھی قیدی ہیں ان کو رہا کیا جائے۔انہوں نے عوام سے درخواست کرتے ہوئے کہاکہ وہ لوگ اپنے اپنے گھروں کو واپس آ جائیں اور سوات کی رونقیں دوبارہ بحال کریں سوشل سوسائٹی اور مخیرحضرات سے بھی درخواست کی گئی ہے کہ وہ امن کے قیام اور شریعت محمدی کے عدالتی نظام کے قیام کیلئے ہمارا ساتھ دیں اور ان شرائط پر عمل کو یقینی بنایا جائے تاکہ شریعت محمدی کا نظام پر جلد ازجلد کام شروع کیا جاسکے انہوں نے کہاکہ فوج سکولوں گھروں اور مساجد کو خالی کرکے کہیں اور منتقل ہو جائے۔ انہوں نے کہاکہ شریعت محمدی کا طریقہ وہی ہے جو انہوں نے اپنایا ہے اور اس طریقے میں امن ہے انہوں نے کہاکہ انشاء اللہ امن معاہدہ ضرور کامیاب ہو گا اور معاشرے کے تمام افراد اس معاہدے کوکامیاب بنانے میں مدد کریں۔ایک سوال کے جواب میں انہوں نے کہاکہ موسیٰ خان خیل کے قتل میں کوئی تیسرا فریق ملوث ہوسکتا ہے ہم ان کے قاتلوں کو کیفر کردار تک پہنچانے کی کوشش کریں گے۔ایک اور سوال پر انہوں نے کہاکہ میڈیا کا امن سمجھوتے کی کامیابی میں اہم کردار ہے اور میڈیا قلم اور زبان سے جہاد کا فریضہ سرانجام دے رہاہے۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.