Sharar Gee Poetry, Urdu Shayari of Sharar Gee

نام بشارت علی شرر اور قلمی نام شرر جی ہے ویسے تو تعلق پاکستان کے تیسرے بڑے شہر فیصل آباد سے ہے لیکن چند سالوں سے اب لاہور میں ہوں اپنے متعلق کہنے کو کچھ خاص نہیں ہے ایک ادنیٰ اور حقیر سا انسان ہوں، فقیری شعبے سے تعلق ہے طبیعت کا انتہائی حساس ہوں جلد پگھل جاتا ہوں لوگوں کی باتوں پہ جلدی اعتبار کر لیتا ہوں محبت میرا وصف ہےمحبت ایمان ہے محبت دین ہے اور محبت ہی سے بس عقیدت ہےاللہ سے پیار کرتا ہوں اور اسی کے در کی چاکری پہ راضی ہوں اپنے لئے اس خالق کی خاص عنائیات کا طلب گار ہوں۔ دل کے زخموں کو جب کھول کے یاروں کے درمیاں رکھا تو انھوں نے اسے شاعری کہہ دیا کچھ من چلوں نے مجنوں کی روداد کا نام دے دیا درد کے بدلے خوشیاں بیچتا ہوں شہر بھر میں میرا یہی کاروبار ہےابھی تک "زوار شاہ، چھوٹے، محبت من جلے کی، محبت مجھے ہر روز ڈستی ہے، میری ان کہی داستان اور آخری رقص" لکھ چکا ہوں اس کے علاوہ بیس سے زائد افسانے لکھ چکا ہوں جن میں " باندر کلا، رفوگر، آنکھیں، کیکلی کلیر دی اورکیپٹن حماد" نماں ہیں۔ ایک عدد شعری مجموعہ " لفظ رقص کرتے ہیں بھی مکمل ہو چکا ہے۔ مگر حالات کی سنگ دلی اور ذاتی مجبوریوں کی وجہ سے ابھی تک اپنی کسی بھی کاوش کو کتابی رنگ نہیں دے سکا ہوں۔ روزنامہ نئی بات کے ادارتی صفحہ کے لئے کالم بھی لکھ چکا ہوں ادب سے لگاؤ ہے پر حد درجے کا بے ادب انسان ہوںصوفیانہ کلام پسند سے سنتا اور پڑھتا ہوں بابا بھلے شاہ، پیر سیدوارث شاہ، حق باہو سرکار ، بابا فرید الدین گنج شکر، سرکار مادھو لال حسین اور میاں محمد بخش صاحب اور ان جیسے کئی دوسرے صوفی شعراء کا کلام بڑے شوق سے سنتا ہوں اپنے وجود میں کسی چیز کو کم سمجھتا ہوں اس چیز کی تلاش میں ہوں لگتا ہے کوئی خواہش پھانس بن کر گلے میں اٹک گئی ہے جو نہ باہر نکل رہی ہے اور نہ ہی میں اسے اندر نگل پارہا ہوں