Oppo R15 and R15 Dream Mirror Edition go official
اوپونے نئے کیمروں اور زبردست سکرین کے ساتھ اوپو آر 15 اور آر 15 ڈریم مرر ایڈیشن متعارف کرا دیا
اوپو نے اوپو آر 15 اور آر 15 ڈریم مرر ایڈیشن باضابطہ طور پر متعارف کرا دئیے ہیں۔ توقع کے مطابق فون زبردست سکرین ڈیزائن، گلاس باڈی اور ڈوئل کیمرہ سیٹ اپ کے ساتھ ہے۔
اوپو آر 15 اور آر 15 ڈریم مرر ایڈیشن دونوں کی سکرین 6.28 انچ کی ہے، جس کی ریزولوشن 1,080 x 2,280 پکسل ہے ۔ اس سے لگتا ہے کہ اس ڈیوائس کا ابھی کوئی پلس ورژن سامنے نہیں آئےگا۔دونوں کا ڈیزائن اور پولشڈ میٹل بیک کے ساتھ گلاس ڈیزائن بھی ایک سا ہے۔
اوپو آر 15 اور آر 15 ڈریم مرر ایڈیشن میں اینڈروئیڈ 8.1 بیسڈ ColorOS 5.0 انسٹال ہے۔ ان ڈیوائس میں مصنوعی ذہانت کا حامل نیا ورچوئل اسسٹنٹ بھی ہے جو آپ کے استعمال کے پیٹرن کو سمجھ کر بہتر ہوتا رہتا ہے۔ فون کا Face Unlock فیچر 0.8 سیکنڈ میں فون کا لاک اوپن کر سکتا ہے۔
اوپو آر 15 (Oppo R15)
اوپو آر 15 میں نیا ہیلیو پی 60 چپ سیٹ ہے۔
(جاری ہے)
فون کی بیک پر ڈوئل کیمرہ سیٹ ہے ، جس میں ایک کیمرہ f/1.7لینز کے ساتھ سونی آئی ایم ایکس 519 سنسر (1/2.6", 1.22um) 16 میگا پکسلہے۔ دوسرا کیمرہ f/2.2لینز کے ساتھ 5 میگا پکسل کا ہے۔
سونی کا کہنا ہے کہ یہ کیمرہ سیٹ اپ سونی کی مصنوعی ذہانت کے ساتھ خود کار طریقے سے 120 مناظر شناخت کر سکتا ہے اور پورٹریٹ موڈ میں پروفیشنل لائٹنگ ایفیکٹس شامل کر سکتا ہے۔ اس فون کا سیلفی کیمرہ بھی کافی زبردست یعنی 20 میگا پکسل f/2.0 ہے، جس میں bokeh ایفیکٹ بھی دستیاب ہے۔
آر 15 میں بلوٹوتھ 4.2 اور ڈوئل بینڈ وائی فائی کی سپورٹ بھی شامل ہے۔ یہ فون ابھی بھی مائیکرو یو ایس بی پورٹ استعمال کررہا ہے جبکہ مارکیٹ میں موجود دوسرے فون نئی ٹیکنالوجی جیسے یو ایس بی ٹائپ سی پر منتقل ہوچکےہیں۔
آر 15 ہاٹ ریڈ، سنو وائٹ اور سٹار پرپل رنگوں میں دستیاب ہوگا۔
اوپو ار 15 ڈریم مرر ایڈیشن (Oppo R15 Dream Mirror Edition)
آر 15 دوسرے ماڈل میں بھی وہی او ایل ای ڈی سکرین ہے لیکن اس فون میں کوالکوم سنیپ ڈریگن 660 چپ سیٹ کے ساتھ اوکٹا کور Kryo پروسیسر اور ایڈرینو 512 جی پی یو ہے۔ فون میں 6 جی بی ریم، 128 جی بی سٹوریج اور VOOC چارجنگ سپورٹ کے ساتھ 3400 ایم اے ایچ کی بیٹری ہے۔
فون کی بیک پر 16 میگا پکسل سونی آئی ایم ایکس 519 سنسر ہی مین کیمرہ ہے لیکن اس کے ساتھ دوسرا کیمرہ f/1.7 20 میگا پکسل کیمرہ ہے۔ فون میں تمام فینسی اے ائی آٹو میٹکس اور پورٹریٹ ایفکٹس موجود ہیں لیکن اس میں 8 میگا پکسل فیس پورٹریٹ موڈ بھی خصوصی طور پر شامل ہے۔
فون کے کنکٹیویٹی آپشن آر 15 جیسے ہیں لیکن اس میں نئے بلوٹوتھ 5.0 کی سپورٹ شامل ہے۔ یہ فون ڈریم ریڈ اور سرامک بلیک رنگوں میں دستیاب ہوگا۔
دستیابی
اوپو آر 15 اور آر 15 ڈی ایم ای 1 اپریل سے چین میں فروخت کے لیے پیش کیے جائیں گے۔ آر 15 کی قیمت 2999 یوان یا 474 ڈالر جبکہ ڈریم ریڈ ماڈل کی قیمت 3299 یوان یا 521 ڈالر ہوگی۔
More Technology Articles
مائیکروسافٹ نے اینڈروئیڈ ایپس سپورٹ کے ساتھ ونڈوز 11 پیش کر دی
Windows 11 Announced With Android Apps Support
ٹی ایس ایم سی یورپ کی بجائے امریکا میں 3 این ایم فاؤنڈری بنائے گا
Reuters: TSMC May Build Its Advanced 3nm Foundry In The US Instead Of Europe
انسٹاگرام صارفین جلد ہی ڈیسک ٹاپ سے بھی پوسٹ تخلیق کر سکیں گے
Instagram Will Soon Let You Create Posts On Desktop
گوگل نے فٹ بٹ کی خریداری کو مکمل کر لیا
Google Completes Acquisition Of Fitbit
ایپل نے بہتر ساؤنڈ اور سری سمارٹ کے ساتھ 99 ڈالر کا ہوم پیڈ منی پیش کر دی
Apple Outs $99 HomePod Mini With Big Sound And Siri Smarts
او ایل ای ڈی ڈسپلے اور فائیو جی کے ساتھ ایپل نے آئی فون 12 اور 12 منی متعارف کرا دئیے
Apple IPhone 12 And 12 Mini Are Official With OLED Displays, 5G
فائیو جی ، بڑی سکرین اور بہتر کیمروں کے ساتھ ایپل نے آئی فون 12 پرو اور پرو میکس پیش کر دئیے
Apple IPhone 12 Pro And Pro Max Unveiled With 5G, Larger Screens, Improved Cameras
گیمنگ لیپ ٹاپس بائینگ گائیڈ
Gaming Laptop Buying Guide
ایپل نے اے 14 بائیونک چپ سیٹ کے ساتھ نیا آئی پیڈ ائیر پیش کر دیا
Apple Unveils New IPad Air With A14 Bionic Chipset, Refreshes Entry-level IPad Too
ایپل نے باضابطہ طور پر واچ سیریز 6 اور واچ ایس ای جاری کر دیں
Apple Watch Series 6 And Watch SE Are Official
سام سنگ نے اب تک کا سب سے سستا فائیو جی فون اے42 فائیو جی سمارٹ فون پیش کر دیا
Samsung Announces Galaxy A42 5G - Its Cheapest 5G Phone Yet
ہواوے فلوٹنگ ڈسپلے کے ساتھ نوٹ بک پیش کرے گا
Huawei To Introduce A Notebook With Floating Display, Honor To Bring A New Budget Entry