India must blame itself, not WhatsApp, for its devastating lynching spree
جھوٹی افواہوں سے ہونے والی ہلاکتوں پر بھارت وٹس ایپ کو نہیں بلکہ خود کو الزام دے
میسجنگ پلیٹ فارمز جیسے وٹس ایپ پر اغواکاروں سے متعلق پھیلائی گئی جھوٹی خبروں کے باعث بھارت میں مئی سے لیکر اب تک کم از کم 29 افراد کو ہجوم نے قتل کر دیا ہے۔
حالیہ واقعے میں اتوار کو 3 ہزار افراد کے ہجوم میں سے 40 افراد نے 5 کسانوں کو ہلاک کر دیا۔ اس سے پچھلے ہفتے بھی ایسے ہی واقعے میں 3 افراد کو ہجوم نے ہلاک کر دیا تھا۔
پرتشدد واقعات کو روکنے میں ناکام بھارتی حکومت نے مجرموں کو پکڑنے کی بجائے وٹس ایپ کو حکم دیا ہے کہ وہ افواہوں کو پھیلنے سے روکے۔
مذکورہ وزیر کے اس حکم سے پتا چلتا ہے کہ وہ جدید میسجنگ ایپلی کیشنز کے کام کے طریقہ کار سے بالکل انجان ہیں۔
(جاری ہے)
حالیہ دور میں بھارت وہ واحد ملک ہے جہاں ہجوم افواہوں پر درجنوں لوگوں کو قتل کر چکے ہیں۔
بی بی سی نے ان واقعات کی کوریج کے دوران بچوں کی حفاظت کے لیے پاکستان میں بنایا جانے والا وہ ویڈیو کلپ بھی دکھایا جسے ایڈٹ کر کے بھارت میں پھیلایا جا رہا ہے۔ کراچی میں فلمائے جانے والے اس کلپ میں ایک این جی او نے یہ دکھایا تھا کہ کراچی میں کس طرح چند سیکنڈوں میں بچے اغوا کیے جا سکتے ہیں لیکن بھارت میں اسے ایڈٹ کر کے یہ ظاہر کیا جا رہا ہے کہ جیسے سی سی ٹی وی کے سامنے کوئی حقیقت میں بچے اغوا کر رہا ہے۔
بھارتی پولیس بھی کئی ہفتوں سے ان افواہوں کے خاتمے کےلیے کام کر رہی ہے۔ شہروں اور دیہاتوں میں لاؤڈ سپیکروں پر لوگوں سے افواہوں پر کان نہ دھرنے کی تلقین کی جار ہی ہے۔
اس تمام صورت حال میں وٹس ایپ یا کسی کے لیے بھی یہ مسئلہ حل کرنا آسان نہ ہو۔
سب سے اہم بات یہ ہے کہ دوسری بہت سی میسجنگ سروسز کی طرح وٹس ایپ بھی صآرفین کو اینڈ ٹو اینڈ انکرپشن کی سہولت دیتا ہے۔ اس کا مطلب ہے کہ وٹس ایپ خود بھی صارفین کے پیغامات نہیں پڑھ سکتا۔ اسی وجہ سے پولیس یا وٹس ایپ کے لیے لوگوں کی چیٹ پر نظر رکھنا ممکن نہیں۔ اس لیے بھارتی حکومت کو وٹس ایپ کو الزام دینے کی بجائے دوسرے ممکنہ طریقے استعمال کرنے چاہیے۔
بھارت کی حکمران بھارتیا جنتا پارٹی کے ہزاروں وٹس ایپ گروپس ہیں جو انتخابی مہم کے لیے بنائے گئے ہیں، بھارتی حکومت اگر لوگوں کو کہے کہ سوشل میڈیا پر پھیلنے والی افواہوں کے بارے میں ان گروپس سے ہی تصدیق کر لیں تو اس طرح کے واقعات میں کسی حد تک کمی آ سکتی ہے۔ اس کے علاوہ پولیس کو بھی جدید آلات سے لیس کرنا پڑے گا تاکہ وہ ممکنہ حادثے کے وقت فوری طور پر جائے وقوعہ پر پہنچ کر کاروائی کر سکیں۔
تازہ ترین خبروں کے مطابق وٹس ایپ نے بھارت کے آئی ٹی منسٹر کے بیان پر اپنے ردعمل میں کہا ہے کہ غلط معلومات کو روکنے کے لیے حکومت، معاشرے اورٹیکنالوجی کمپنیوں کو اکھٹے کام کرنا ہوگا۔ وٹس ایپ نے بتایا کہ انہوں نے گروپ میں صرف ایڈمنز کی طرف سے پوسٹ کرنے کا فیچر متعارف کرایا ہے۔ اس کے علاوہ فارورڈ میسج پر فارورڈ کا لیبل بھی نظر آتا ہے ، جس سے شہریوں کو اندازہ ہونا چاہیے کہ یہ میسج کسی نے ذاتی طور پر ٹائپ نہیں کیا بلکہ کسی دوسرے کے میسج کو فارورڈ کیا ہے۔
More Technology Articles
مائیکروسافٹ نے اینڈروئیڈ ایپس سپورٹ کے ساتھ ونڈوز 11 پیش کر دی
Windows 11 Announced With Android Apps Support
ٹی ایس ایم سی یورپ کی بجائے امریکا میں 3 این ایم فاؤنڈری بنائے گا
Reuters: TSMC May Build Its Advanced 3nm Foundry In The US Instead Of Europe
انسٹاگرام صارفین جلد ہی ڈیسک ٹاپ سے بھی پوسٹ تخلیق کر سکیں گے
Instagram Will Soon Let You Create Posts On Desktop
گوگل نے فٹ بٹ کی خریداری کو مکمل کر لیا
Google Completes Acquisition Of Fitbit
ایپل نے بہتر ساؤنڈ اور سری سمارٹ کے ساتھ 99 ڈالر کا ہوم پیڈ منی پیش کر دی
Apple Outs $99 HomePod Mini With Big Sound And Siri Smarts
او ایل ای ڈی ڈسپلے اور فائیو جی کے ساتھ ایپل نے آئی فون 12 اور 12 منی متعارف کرا دئیے
Apple IPhone 12 And 12 Mini Are Official With OLED Displays, 5G
فائیو جی ، بڑی سکرین اور بہتر کیمروں کے ساتھ ایپل نے آئی فون 12 پرو اور پرو میکس پیش کر دئیے
Apple IPhone 12 Pro And Pro Max Unveiled With 5G, Larger Screens, Improved Cameras
گیمنگ لیپ ٹاپس بائینگ گائیڈ
Gaming Laptop Buying Guide
ایپل نے اے 14 بائیونک چپ سیٹ کے ساتھ نیا آئی پیڈ ائیر پیش کر دیا
Apple Unveils New IPad Air With A14 Bionic Chipset, Refreshes Entry-level IPad Too
ایپل نے باضابطہ طور پر واچ سیریز 6 اور واچ ایس ای جاری کر دیں
Apple Watch Series 6 And Watch SE Are Official
سام سنگ نے اب تک کا سب سے سستا فائیو جی فون اے42 فائیو جی سمارٹ فون پیش کر دیا
Samsung Announces Galaxy A42 5G - Its Cheapest 5G Phone Yet
ہواوے فلوٹنگ ڈسپلے کے ساتھ نوٹ بک پیش کرے گا
Huawei To Introduce A Notebook With Floating Display, Honor To Bring A New Budget Entry