عارف والا میں شدید دھند، ٹریفک حاد ثات میں دو افراد جاںبحق

ہفتہ 1 دسمبر 2018 14:24

عارف والا (اُردو پوائنٹ اخبارتازہ ترین - اے پی پی۔ 01 دسمبر2018ء) شدید دھند کے باعث ٹریفک کے دو حادثات میں کانسٹیبل سمیت 2 افراد جاں بحق ہو گئے ،عارف والا کے نواحی گائوں 34/EBکے نزدیک تیز رفتار بس نے ٹرالر کو اوورٹیک کرتے ہوئے پیٹرولنگ پولیس کے کانسٹیبل منیر احمد کو کچل دیا جس سے موقع پر جاں بحق ہو گیا جبکہ نواحی گائوں67/EBکے نزدیک تیز رفتار بس اور موٹر سائیکل میں ٹکر 20سالہ عمران سکنہ 61/EBزندگی کی بازی ہا رگیا دونوں لاشوں کو ریسکیو اہلکاروں نے قبضہ میں لیکر پوسٹ مارٹم کیلئے تحصیل ہیڈ کوارٹر ہسپتال عارف والہ پہنچا دیا دونوں بس ڈرائیور جائے وقوعہ سے فرار ہو گئے۔