Kasheeda Kari Libas Ki Khoobsoorti Barhaiay - Article No. 1279
کشیدہ کاری لباس کی خوبصورتی بڑھایئے - تحریر نمبر 1279
خوبصورت لگنا اور نظر آنا ہر عورت کی اولین خواہش ہوتی ہے لیکن اگر اس میں انفرادیت کا پہلو نمایاں ہو تو آپ اسٹائلش کہلائیں گی۔
منگل 4 اگست 2015
خوبصورت لگنا اور نظر آنا ہر عورت کی اولین خواہش ہوتی ہے لیکن اگر اس میں انفرادیت کا پہلو نمایاں ہو تو آپ اسٹائلش کہلائیں گی ۔ یوں تو حسن اور پیرہن دونوں کا چولی دامن کا ساتھ ہے کیونکہ لباس کوشخصیت کا آئینہ بھی کہا گیا ہے لہٰذا لباس پر بھرپور توجہ دیں ۔ لباس کو ہمیشہ شخصیت سے ہم آہنگ ہونا چاہئے ۔ ایسا لباس جو آپ کی شخصیت پر جچتانہ ہو اسے استعمال نہیں کرنا چاہئے ۔ اکثرخواتین اس بات کو سمجھ نہیں ہوتی وہ اپنے لئے ایسے فیشن ایبل لباس کا انتخاب صرف اس لیے کر لیتی ہیں تاکہ وہ فیشن کی دوڑ میں شامل ہو سکیں اور اس بات کو یکسر نظرا نداز کردیتی ہیں کہ آیا وہ لباس ان پر جچ بھی رہا ہے یا نہیں۔
مثال کے طور پر پچھلے دنوں ایک پارٹی میں ایک نہایت بھاری بھر کم سی خاتون کو دیکھنے کا اتفاق ہوا جنہوں نے آج کل کے فیشن کے مطابق لمبی قمیض کے ساتھ بہت ہی کھلے گھیروالی شلوار پہن رکھی تھی یہ ہی نہیں اس پر ستم یہ کہ ان کی قمیض پر جابجا بڑے بڑے پھول بوٹوں کی صورت میں کشیدہ کاری ہوئی تھی ۔
(جاری ہے)
کشیدہ کاری ایک ایسا فن ہے جو لباس کی خوبصورتی کو بڑھا دیتا ہے لیکن اگر یہی کشیدہ کاری بے تکے انداز میں کی گئی ہو تو وہی لباس بُرالگنے لگتا ہے ۔ اس کیلئے اس بات کو مدنظر رکھنا نہایت ضروری ہے کہ یہ کشیدہ کاری کس خاتون کیلئے کی جارہی ہے اس کی شخصیت کیسی ہے اس کے علاوہ خریدنے یا کشیدہ کاری کروانے الی خواتین کو بھی اپنی شخصیت کو مدنظر رکھتے ہوئے ہی اپنے لئے ڈیزائن اور سٹائل کا انتخاب کرنا چاہئے ۔مثال کے طور پر اگر آپ کا وزن زیادہ ہے یا آپ کا قد چھوٹا ہے تو کڑھائی کا ڈیزائن چھوٹا اور نفیس ہونا چاہئے نہ کہ بہت بڑے بڑے پھول بوٹے بنا دیئے جائیں تو آپ اور زیادہ موٹی دکھائی دیں گی اس کے برعکس پتلی اور لمبی خاتون اس قسم کے ملبوسات باآسانی پہن سکتی ہیں ۔
اکثر خواتین گھر پر ہی کڑھائی کے ذریعے لباس کی خوبصورتی میں اضافہ کرتی ہیں ۔ جس کے لئے یا خواتین ہاتھ سے کڑھائی کے مختلف ٹانکوں کا استعمال کرتی ہیں یا پھر مشینی کڑھائی بھی کی جاتی ہے ۔ البتہ ہاتھ کی کڑھائی میں وقت بہت زیادہ ضائع ہوتا ہے اس لئے زیادہ تر خواتین بازار سے مشینی کڑھائی کروانا ہی پسند کرتی ہیں ۔ اس بات میں کوئی شک نہیں کہ کشیدہ کاری لباس کی خوبصورتی بڑھانے میں اہم کردار ادا کرتی ہے ۔
لباس کو ساتھ ساتھ حسن خوبصورتی کے حصول کیلئے یہ بھی ضروری ہے کہ آپ اپنی صحت اور جلد کا خصوصی خیال رکھیں ۔ ضرورت بڑنے پر میک اپ کریں ۔ میک اپ کیلئے اچھی پراڈکٹس استعمال کریں۔ بالوں سے مطابقت رکھنے والے اچھے شیمپو کا انتخاب کریں ۔ اسی طرح اچھے کنڈیشز کا بھی انتخاب کریں ۔ ڈائی کروانے کی خواہش مند ہیں توا پنی بیوٹیشن سے مشورہ کریں ۔
چہرے اور عمر کی مناسبت سے ان پر رنگ کریں ۔ آپ کے چہرے کی جلد اور سر کے بال اچھے نہ ہوں اور آپ نے بہت اچھا لباس پہن رکھا ہو تو بھی کوئی فائدہ نہیں اور اسی طرح آپ بہت حسین ہوں لیکن آپ کا لباس آپ کی شخصیت کے مطابق نہ ہوتو بھی آپ خوبصورت نہیں لگیں گی ۔ اس لئے لباس کے ساتھ ساتھ اپنی جلد اور بالوں کا خیال رکھنا بھی بہت ضروری ہے۔
Browse More Clothing Tips for Women
گلابی رنگ کا انتخاب کریں
Gulabi Rang Ka Intekhab Karen
موسمِ سرما میں دیسی ملبوسات کے ٹرینڈز
Mausam E Sarma Mein Desi Malbosat Ke Trends
پشمینہ اور مخمل کی شال
Pashmina Aur Makhmal Ki Shawl
میکسی اور گاؤن
Maxi Aur Gown
فلورل فراک اور میکسی
Floral Frock Aur Maxi
پیلے رنگ کا انتخاب کریں
Peele Rang Ka Intikhab Karen
کالے رنگ کا سحر کبھی نہ ٹوٹ سکا
Kale Rang Ka Sehar Kabhi Na Toot Saka
سیاہ لباس کے ساتھ جوتوں اور جیولری کا بھی خیال رکھیں
Siyah Libas Ke Sath Jooton Aur Jewelry Ka Bhi Khayal Rakhain
تر و تازہ چہرہ اور دلکش ملبوسات
Tar O Taza Chehra Aur Dilkash Malbosat
سرخ قرمزی رنگ شاہانہ شخصیت کا آئینہ دار
Surkh Qarmazi Rang Shahana Shakhsiyat Ka Aaina Dar
دھنک رنگ پہناوے
Dhanak Rang Pehnawe
کُرتا اینڈ چُوڑی دار پاجامہ
Kurta And Churidar Pajama