Eid Saeed Hai - Article No. 1829
گولڈ فیشئل بھی ضروری ہے - تحریر نمبر 1829
سونا ہمیشہ ہی سے خواتین کی کمزوری رہا ہے مگر اب تو گولڈ فیشئل متعارف ہو جانے کے بعد، یہ ہمارے لائف اسٹائل اور میک اوورکا لازمی جزو ہے۔
جمعہ 15 جون 2018
سونا ہمیشہ ہی سے خواتین کی کمزوری رہا ہے مگر اب تو گولڈ فیشئل متعارف ہو جانے کے بعد، یہ ہمارے لائف اسٹائل اور میک اوورکا لازمی جزو ہے۔ دور حاضر میں جہاں مختلف قدرتی وسائل جیسے جڑی بوٹیوں اور کوئلے سے تیار کئے جانے والے فیشئلز سے خواتین مستفید ہو رہی ہیں وہیں گولڈ فیشئل بھی دن بدن کافی مقبولیت پاتا جارہا ہے۔ گولڈ فیشئل ٹریٹمنٹ اب تک لاتعداد خواتین کے دل جیت چکاہے۔
کہتے ہیں کہ جلد کی نگہداشت کے سلسلے میں گولڈ کا استعمال کئی صدیوں سے چلا آرہا ہے۔ تاریخی کتابوں میں ملکہ قلوپطرہ کے گولڈ فیس ماسک کا حوالہ بھی ملتا ہے جس کے مطابق وہ اپنے قدرتی حسن اور جلد کی نگہداشت کے لیے روزانہ سونے کی دھات سے تیار کردہ ماسک کا استعمال کیا کرتی تھیں۔گولڈ فیشئل کیا ہے؟
سونے کا شمار نرم ترین دھاتوں میں کیا جاتا ہے جو با آسانی جلد میں سرائیت کرنے کی خاصیت رکھتا ہے۔
(جاری ہے)
گولڈ فیشئل کے فوائد:
گولڈ فیشئل ٹریٹمنٹ جلد میں نئے خلیات کی پیداوار کو متحرک کرتا ہے اور اسے نئی چمک اور رعنائی فراہم کرتا ہے۔ یہ چہرے پر جھریاں اور لکیریں نمایاں ہونے سے روکنے میں بھی مدد دیتا ہے ۔ اس میں بڑھتی عمر کے اثرات زائل کرنے کی خصوصیت بھی پائی جاتی ہے جس کے سبب آپ کی جلد ترو تازہ اور جواں نظر آتی ہے۔ یہ جلد سے مضر صحت مادوں کا خاتمہ کرتا ہے اور سورج کی بنفشی شعاعوں سے ہونے والے نقصانات سے بھی محفوظ رکھتا ہے۔ یہ جلد میں آکسیجن کی فراہمی کو بہتر بناتا ہے جس کے باعث آپ کے چہرے سے تھکان کے اثرات غائب ہوجاتے ہیں ۔ یہ چہرے کی رونق بحال کرنے میں مدد دیتا ہے۔ اس میں موجود اینٹی بیکٹریل خصوصیات کے سبب یہ کیل مہاسوں اور دانوں سے بچاوٴ میں بھی معاون ثابت ہوتا ہے۔ یہ جلد میں موجود قدرتی لچک قائم رکھنے میں بھی کارگر ثابت ہوتا ہے۔ گولڈ فیشئل خشک اور روغنی جلد دونوں کے لیے یکساں طور پر مفید ہے۔
گولڈ فیشئل کرنے کا طریقہ:
یوں تو بہترین طریقہ یہی ہے کہ آپ کسی اچھے اور قابل بھروسہ بیوٹی سیلون یا اسپاء سے خدمات لیں۔ تاہم اگر آپ ازخود گولڈ فیشئل کرنا چاہتی ہیں تو اس کے لیے ضروری ہے کہ آ پ کسی اچھے برانڈ کی گولڈ فیشئل کٹ کا انتخاب کریں۔ اس کے بعد فیشئل کی شروعات کٹ میں موجود مخصوص کلینزر سے کریں۔ کلینزنگ کا عمل مکمل کرنے کے بعد اس میں موجود اسکرب کی مدد سے ہلکے ہاتھوں کے ساتھ اسکرب کریں ۔ دھیان رہے کہ اسکربنگ کے دوران آپ کے ہاتھ نیچے سے اوپر کی جانب حرکت کریں۔ اب گولڈ مساج کریم کی مدد سے چہرے پر مساج کیجئے اور گولڈ ماسک کو چہرے پرلگائیں۔ ما سک خشک ہونے کے بعد اسے صاف کرلیں اور کولڈ کمپریس کی مدد سے چہرے کو ٹھنڈا کیجئے اور آخر میں گولڈ فیشئل موائسچرائزر سے چہریل کو اچھی طرح موائسچرایز کیجئے۔
Browse More Special Articles for Women
رنگِ حنا اور کھنکتی چوڑیاں
Rang E Hina Aur Khanakti Chooriyan
رمضان شاپنگ مہنگائی کا علاج سادگی
Ramadan Shopping Mehngai Ka Ilaj Saadgi
چھوٹے بچے روزہ رکھیں تو والدین کیا کریں
Chote Bache Roza Rakhain To Waldain Kya Karen
رمضان اور خواتین کے معمولاتِ زندگی
Ramzan Aur Khawateen Ke Mamolat E Zindagi
رمضان سے پہلے رمضان کی تیاری ہے بہت ضروری
Ramzan Se Pehle Ramzan Ki Tayari Hai Bahut Zaroori
ذہین بچے کی پیدائش کے لئے حمل کے دوران مخصوص غذائیں
Zaheen Bache Ki Paidaish Ke Liye Hamal Ke Douran Makhsoos Ghizain
جیولری کی ورائٹی سے جگمگاتی دنیا
Jewellery Ki Variety Se Jagmagati Duniya
زیورات بتائیں شخصیت کے راز
Zewrat Bataain Shakhsiyat Ke Raaz
ورسٹائل ٹرے ․․․ ہر گھر کی ضرورت
Versatile Tray - Har Ghar Ki Zaroorat
موسم کی تبدیلی پر الماری کی ترتیبِ نو
Mausam Ki Tabdeeli Par Almari Ki Tarteeb E Nau
دیدہ زیب ست رنگی چوڑیاں
Deeda Zaib Sat Rangi Choriyon
اِک قوسِ قزح ہے رقصاں
Ik Qaus E Qaza Hai Raqsaan