Multani Mitti Kay Faiday - Article No. 1360
ملتانی مٹی کے فائدے - تحریر نمبر 1360
جب مدیحہ نے چہرے سے بیوٹی ماسک صاف کیا تو اسے کچھ عجیب سا لگا۔ چہرے کی جلد بالکل خشک ہوگئی تھی، حال آنکہ اس ماسک بناتے وقت اس میں ملتانی مٹی بھی شامل کی تھی۔
منگل 1 دسمبر 2015
جب مدیحہ نے چہرے سے بیوٹی ماسک صاف کیا تو اسے کچھ عجیب سا لگا۔ چہرے کی جلد بالکل خشک ہوگئی تھی، حال آنکہ اس ماسک بناتے وقت اس میں ملتانی مٹی بھی شامل کی تھی۔ اصل میں اس کی جلد خشک تھی۔ جب اس نے ملتانی مٹی کاماسک چہرے پرلگایا تواس سے جلد مزید خشک ہوگئی۔
مدیحہ نے جوغلطی کی تھی، اس کاحل یہ تھاکہ اسے ماسک میں تھوڑا سا ناریل ملالینا چاہیے تھا۔ ایسے ماسک سے اسے دہرافائدہ ہوتا۔ اول یہ کہ اس کی جلد ملائم رہتی دوسرے داغ دھبے اور مہاسے بھی ختم ہوجاتے۔
ملتانی مٹی کے بہت سے فائدے ہیں۔ اس کو چہرے پرلگانے سے آپ کی جلد صاف رہتی ہے یہ مٹی جلد سے داغ دھبے اور مہاسے صاف کردیتی ہے ۔اسے لگانے سے آپ کاچہرہ صاف ستھرا، چمک دار ہوجاتاہے۔
(جاری ہے)
اگر آپ کی جلد چکنی ہے توملتانی مٹی کاماسک بناتے وقت اس میں گلاب کاعرق بھی ملالیں۔
ملتانی مٹی کوچہرے کی جلد صاف کرنے کے علاوہ سرکے بال صاف کرنے کے لئے بھی استعمال کیاجاسکتا ہے۔ مگر اسے شیمپو کی حیثیت سے استعمال کرنامناسب نہیں ہے۔ اگر آپ کے سرکے بالوں میں چکنا ہٹ زیادہ آجاتی ہے تو ملتانی مٹی کاگلاب کے عرق میں گھول لیجیے۔ پھر اس میں تھوڑا سالیموں کاعرق ملائیے۔ پندرہ منٹ تک اس لگدی میں چمچہ چلاتے رہیے۔ اپنی کسی دوست کی مدد سے اسے بالوں میں لگائیے اور مسلسل کنگھا کرتی رہیے۔ کنگھے کے دانے موٹے ہونے چاہیں۔ ملتانی مٹی لگانے کے بعد بالوں کوپندرہ منٹ تک خشک ہونے دیں۔ اس کے بعد اپنے بال نیم گرم پانی سے دھوڈالیں۔ کوشش کیجئے کہ مٹی آپ کی آنکھوں میں نہ جائے۔ بال دھوتے وقت مسلسل کنگھا کرتی رہیں، تاکہ بالوں سے ساری مٹی نکل جائے۔
اگر آپ کے بال خشک ہیں توملتانی مٹی لگانے سے پہلے بالوں میں دس پندرہ منٹ کے لیے ناریل یازیتون کاتیل لگالیں۔ ماسک بنانے کے علاوہ ملتانی مٹی کودافع عفونت کے طور پر زخموں پربھی لگایاجاسکتاہے۔ مٹی کوپانی میں گھول کرلگدی بنالیں اورزخم پرلگادیں۔ یہ عمل چند دنوں تک کریں۔ زخم مندمل ہوجائے گا، بہتر ہوگا کہ اس ضمن میں اپنے معالج سے بھی مشورہ کرلیجیے۔
Browse More Special Articles for Women
رنگِ حنا اور کھنکتی چوڑیاں
Rang E Hina Aur Khanakti Chooriyan
رمضان شاپنگ مہنگائی کا علاج سادگی
Ramadan Shopping Mehngai Ka Ilaj Saadgi
چھوٹے بچے روزہ رکھیں تو والدین کیا کریں
Chote Bache Roza Rakhain To Waldain Kya Karen
رمضان اور خواتین کے معمولاتِ زندگی
Ramzan Aur Khawateen Ke Mamolat E Zindagi
رمضان سے پہلے رمضان کی تیاری ہے بہت ضروری
Ramzan Se Pehle Ramzan Ki Tayari Hai Bahut Zaroori
ذہین بچے کی پیدائش کے لئے حمل کے دوران مخصوص غذائیں
Zaheen Bache Ki Paidaish Ke Liye Hamal Ke Douran Makhsoos Ghizain
جیولری کی ورائٹی سے جگمگاتی دنیا
Jewellery Ki Variety Se Jagmagati Duniya
زیورات بتائیں شخصیت کے راز
Zewrat Bataain Shakhsiyat Ke Raaz
ورسٹائل ٹرے ․․․ ہر گھر کی ضرورت
Versatile Tray - Har Ghar Ki Zaroorat
موسم کی تبدیلی پر الماری کی ترتیبِ نو
Mausam Ki Tabdeeli Par Almari Ki Tarteeb E Nau
دیدہ زیب ست رنگی چوڑیاں
Deeda Zaib Sat Rangi Choriyon
اِک قوسِ قزح ہے رقصاں
Ik Qaus E Qaza Hai Raqsaan