Self Grooming Bhi Zaroori Hai - Article No. 1557

زینب مغل :
لڑکیوں کی کثیر تعداد چاہتی ہے کہ وہ خوبصورت اور پُرکشش دکھائی دے مگر وہ اس کیلئے کیا کریں یہ ہر لڑکی نہیں جانتی ۔
اپنی شخصیت کو نکھارنا ”سیلف گرومنگ “ کہلاتا ہے ۔ اسی مقصد کیلئے خواتین پارلر کارخ کرتی ہیں ۔ لیکن پارلر جانے کیلئے بھی خاص مواقعوں اور رقم کی ضرورت محسوس ہوتی ہے ۔ جبکہ ” سیلف گرومنگ “ کا مقصد ہے کہ ہرحال میں آپکی شخصیت کاشمار اور خوبیاں نمایاں ہوں اور آپ اپنی کوتاہیوں پر قابو پانا سیکھیں ۔ اکثر دیکھا گیا ہے کہ دوران تعلیم لڑکیاں اپنی تعلیم میں مصروف رہتی ہیں اور اپنی شخصیت کو نظرانداز کردیتی ہیں پھر جب ان کی شادی کاوقت آتا ہے تو ایسے وقت میں وہ شخصی تاثر قائم کرنے میں ناکامی ہوجاتی ہیں۔

(جاری ہے)

اسی طرح گھریلو خواتین گھر کے کاموں میں اپنی شخصیت پر توجہ نہیں دیتیں اور جب کسی فنکشن یا تقریب میں جانا ہوتوبیوٹی پارلرز کا رخ کرتی ہیں جہاں کبھی رش کا مسئلہ اور کبھی کسی الرجی کامسئلہ ان کی شخصیت کو نکھارنے کی بجائے مزید بگاڑدیتا ہے ۔

اس لئے ضروری ہے کہ دیگر مصروفیات کے ساتھ ساتھ اپنی شخصیت کے نکھار پر توجہ دیں اور جائزہ لیں کہ آپکی شخصیت میں ظاہری طور پر کیا کمی ہے ، جسے دور کرکے آپ پُرکشش اور جاذب نظربن سکتی ہیں ۔
اس لئے ضروری ہے کہ اپنی جلد کی حفاظت کریں ۔ گھر میں رہتے ہوئے بھی اپنی سکن پر کوئی لوش یا کریم ضرور لگائیں اسی طرح آفس ، کالج یایونیورسٹی جاتے ہوئے آپ ہلکا پھلکا میک اپ ضرور کریں البتہ کوشش کریں کہ میک اپ نمایاں نہ ہو ۔
اس کے علاوہ اپنی جلد کی تازگی کو برقرار رکھنے کیلئے جوسزاستعمال کریں ۔ پانی زیادہ پئیں ۔ اگر آپ کا جسم موٹاپے کا شکار ہونے لگے تو فوراََ واک شروع کریں ۔ اپنی شخصیت اورقد کاٹھ کے مطابق کپڑوں کا انتخاب کریں جو آپ کی شخصیت خوبرو بنادے ، شخصیت کو چار چاند لگانے کی خاطر کبھی کبھار ہلکی پھلکی جیولری ضرور پہنیں ۔ اپنے بالوں پر بھی خاص توجہ دیں تاکہ آپ کے بال مضبوط اور شائن نظر آئیں ۔
اپنے آپ کو خوبصورت بنانے کیلئے اپنی ” سیلف گرومنگ “ پر توجہ دیں ۔ جلد کی دشمن حسن افزا کریموں کے دھوکے سے بچیں کیونکہ یہ کریمیں آپ کی جلد کو حساس بنانے کے ساتھ ساتھ آپ کی جلد کو بوڑھا بھی کردیتی ہیں ۔ اپنی شخصیت پر اعتماد کریں۔ یادرکھیں خود اعتمادی خوبصورتی کے بعد سب بڑا زیور ہے جو عورت کو خوبصورت بناتا ہے ۔ اپنی رنگت کو خوبصورتی کی بنیاد نہ بنائیں بلکہ اپنے قد کاٹھ ، اپنی مسکراہٹ انداز گفتگو کو بہتر سے بہتر بنا کر اپنی سیلف گرومنگ کریں اور خوبصورت شخصیت کے مالک بنیں۔