Hamara Makeup Aur Bunyadi Ghaltian - Article No. 1503

Hamara Makeup Aur Bunyadi Ghaltian

ہمارا میک اپ اور بنیادی غلطیاں - تحریر نمبر 1503

آپ نے نیا میک آپ کرنا شروع کیا ہو یا آپ بہت ماہر ہوں۔ ہر کوئی غلطی کر ہی سکتا ہے۔

بدھ 10 اگست 2016

یہ خواتین کی فطرت ہے کہ وہ ہمیشہ حسین اور پر کشش نظر آنا چاہتی ہیں اور اس کے لیے ہر جتن کرتی ہیں، خوبصورت نظر آنے کا سب سے آسان طریقہ میک اپ کا درست استعمال ہے۔لیکن اگر یہ ہی میک اپ خراب ہوجائے تو خواتین کی خوبصورتی بڑھنے کے بجائے کم ہو جاتی ہے۔ آج کے آرٹیکل میں ہم ان چھ غلطیوں کی نشاندہی کریں گے اور نہ صرف نشاندہی کریں گے بلکہ آپ کو یہ بھی بتائیں گے کہ کن اصولوں پر چل کر آپ ان غلطیوں سے بچ سکتے ہیں۔
ان باتوں کو اپناتے ہوئے آپ نہ صرف اپنی شخصیت دلکش بناسکتی ہیں بلکہ بہترین میک آپ بھی کر سکتی ہیں۔
آپ نے نیا میک آپ کرنا شروع کیا ہو یا آپ بہت ماہر ہوں۔ ہر کوئی غلطی کر ہی سکتا ہے۔
کنسیلر لگانے کا غلط طریقہ:
کنسیلر خواتین کے میک آپ کا اہم ترین حصہ ہے۔

(جاری ہے)

یہ سیاہ خو س کو چھپانے اور چہرے پر سرخی کے اثرات کم کرنے کے لیے اہم ہے۔

لیکن ہر چیز کے بہتر نتائج حاصل کرنے کے لیے اسے صحیح طرح سے استعمال کرنا بہت ضروری ہے۔ کنسیلر کو خو اں کے گرد گولائی میں لگانے سے بھی خاطر خواں نتائج برآمد ہو سکتے ہیں لیکن اگر اسے اُوپر نیچے ، تکون کی شکل میں یا V کی شکل میں لگائیں تو زیادہ بہتر لگے گا۔
فاوٴنڈیشن کے غلط شیڈ کا استعمال:
آپ کے چہرے کی جلد جسم کے باقی حصوں سے زیادہ صا ف ہوتی ہے۔
اس لیے فاوٴنڈیشن کا شیڈ منتخب کرنے کے لیے اس کا موازنہ اپنے چہرے کی جلد سے کرنا ضروری ہے، جلد کے رنگ سے ملانے کے لیے اْسے اپنے گالوں کے نچلے حصے پر لگائیں،اگر جلد کے اس حصے پر فاوٴنڈیشن کا شیڈ ملاتا ہے تو اس کا مطلب ہے کہ آپ اپنے لیے اپنی جلد سے ملتا ہوا فارمولہ خرید چکے ہیں۔
موسچرائزر کے فوراً بعد میک آپ نہ کریں:
یہ بہت ضروری ہے کہ موسچرائزر لگانے کے فوراً بعد ہی میک اپ کا استعمال نہ کیا جائے ورنہ چہرے کے نم حصوں پر دھبے پڑ جاتے ہیں اور چہرے پر دانے نما نشانات اْبھر جاتے ہیں۔
موسچرائزنگ کرنے کے بعد تقریباً پانچ منٹ کا وقفہ دیں تاکہ کریم اچھی طرح سوکھ جائے اور اسکے بعد ہی میک آپ کا استعمال کریں۔
ضرورت سے زیادہ فیس پاوڈر کا استعمال:
فیس پاوڈر آپ کے میک آپ کو برقرار رکھنے کے لئے ایک بہترین ہتھیار ہے لیکن ہر چیز کو اس کی مقرر کردہ مقدار میں ہی استعمال کرنا چاہیئے ضرورت سے زیادہ استعمال نقصان کا باعث بنتا ہے۔
میک آپ کے دوران بھی یہ قانون لاگو ہوتا ہے۔پاوڈر کو محدود مقدار میں استعمال کریں، ضرورت سے زیادہ پاوڈر کا استعمال کرنے سے جلد پر لکیریں پڑ جاتی ہیں جو نمایاں ہوتی ہیں، اس مسئلے سے بچنے کے لیے ضروری ہے کے بڑے اور نرم پاوڈر برش کا استعمال کریں جس کی مدد سے آپ اپنے چہرے پر پاوڈر لگا سکتے ہیں۔ دوسرا طریقہ یہ ہے کہ آپ سیٹنگ اسپرے کا استعمال کریں یہ آپ کے پاوڈر کو متوازن کرنے کے ساتھ میک آپ کو پورا دن برقرار رکھتا ہے۔

پرایمیر:
پرایمئر جلد کو نرم کر دیتا ہے جس کی وجہ سے فاوٴنڈئشن اچھی طرح پھیل جاتا ہے۔ میک آپ بھی لمبے عرصے تک برقرار رہتا ہے۔ فاوٴنڈئشن کی طرح پرایمیر کی بھی مختلف ٹون مارکیٹ میں موجود ہیں جلد کی مختلف اقسام کو مد نظر رکھتے ہوئے اس کی کی مارکیٹ میں تین شکلیں موجود ہیں جس میں کریم، جل اور پاوڈر شامل ہیں وہ لوگ جنہیں اپنی جلد کی فکر ہے کہ وہ چکنی ہے یا جلد کے پورز بڑے ہیں وغیرہ تو وہ اپنی جلد کی قسم کے حساب سے پرایمیر منتخب کر سکتے ہیں۔

چکنی جلد کے لیے:
میٹیفانگ پرایمیر چکنی جلد پر استعمال کے لیے بہترین ہے یہ ساری چکنائی اپنے اندر جذب کر لیتا ہے۔
حساس جلد کے لیے:
آپ کو چاہیئے کہ ایسے پرایمیر کا انتخاب کریں جس میں تیل، سیلیکون، خوشبو اور پرابین کا استعمال نہ کیا گیا ہو۔
خشک جلد کے لیے:
آپ کو ایسے پریمیرا کا انتخاب کرنے کی ضرورت ہے جو جل کی شکل میں ہو اور جلد کو نمی پہنچانے کی صلاحیت رکھتا ہو۔

ملی جلی جلد کے لیے:
ایسی جلد خشک تو ہوتی ہے لیکن T-zone کے بڑے پورزہونے کے باعث اس حصے میں چکنائی پیدا ہوجاتی ہے اس کے لیے آپ کو چاہیئے کہ دو پرایمیر کو ملا کے استعمال کریں۔ T-zone میں میٹیفائنگ پرایمیر کا استعمال جبکہ چہرے کے باقی حصوں پر نمی پیدا کرنے والا پرایمیر استعمال کریں۔
آئی بروز کو گھنا کرنا:
یہ میک آپ کی عام غلطی ہے جو اکثر خواتین کرتی ہیں کہ وہ اپنی آئی بروز بہت تیز اور موٹی کر دیتی ہیں۔ جب اپنی بروز کو کلر کرنے لگیں تو خیال رکھیں کے پینسل بہت زور سے نا دبائیں بلکہ ہلکے ہاتھ سے کام کریں زور سے دبانے سے گہری لکیریں پڑ جاتی ہیں۔ انہیں سپولی کی مدد سے ہلکا کریں اس طرح آپ کی آئی بروز قدرتی لگیں گی بناوٹی نہیں۔

Browse More Makeup Tips, Suggestions & Tutorials

Special Makeup Tips, Suggestions & Tutorials article for women, read "Hamara Makeup Aur Bunyadi Ghaltian" and dozens of other articles for women in Urdu to change the way they live life. Read interesting tips & Suggestions in UrduPoint women section.