Jhaion Ka Khatma Mumkin Hai - Article No. 1519

اقراء گل :
خواتین اپنے حسن اور شخصیت کے نکھارے کیلئے ہر وقت کو شاں رہتی ہیں اوراس کے حصول کیلئے بیحد محنت کرتی ہیں تاکہ وہ جاذب نظراور خوبصورت دکھائی دیں۔حسن صنف نازک کیلئے قدرت کاایک انمول تحفہ ہے اور اس حسن کی حفاظت کیلئے قدرت نے بے شمار ذرائع بھی عطاکیے ہیں۔ لیکن جلد کی شادابی اور خوبصورتی اسی وقت ممکن ہے جب ہم ان ذرائع کو استعمال کرتے ہوئے اپنی جلد کی حفاظت بہترین انداز میں کریں۔
بدلتا ماحول ہماری جلد پر بہت گہرے اثرات مرتب کرتا ہے اور ہمیں بہت سے جلد مسائل کا سامنا کرنا پڑتا ہے۔ انہیں مسائل میں ایک مسئلہ جھائیوں کا بھی ہے۔ جھائیوں کی بدولت جہاں ہمارے چہرے کی خوبصورتی ماند پڑجاتی ہے وہیں چہرے کی رونق بھی ختم ہوجاتی ہے۔

(جاری ہے)

عموماََ جھائیاں خون کی کمی کی وجہ سے نمودار ہیں لیکن چہرے پر پڑنے والی سورج کی ڈائریکٹ شعاعیں بھی جھائیوں کا باعث بنتی ہیں۔

ان کے خاتمے کیلئے ذیل میں چند احتیاطی تدابیر دی جارہی ہیں جنہیں اپنا کرآپ بھی اپنی جلد کو خوبصورت اور چمکدار بناسکتی ہیں۔
سب سے پہلے اپنے چہرے کی صفائی کا خاص خیال رکھیں، ہوسکے تو چہرے کے صفائی کیلئے صابن کی بجائے بیسن کااستعمال کریں۔
تازہ سبزیوں اور پھلوں کارس زیادہ سے زیادہ استعمال کریں۔
مصالحے دار تلی ہوئی اشیاء اور گوشت سے پرہیز کریں۔
ایسی غذاؤں کااستعمال سے زیادہ سے زیادہ کریں جوجھائیوں کے خاتمے میں معاون ہیں مثلاََ دودھ، دہی، کچی گاجریں اور شلجم اپنی خوراک کا لازمی جزو بنائیں۔
جھائیوں کے خاتمے کیلئے مختلف ٹوٹکے ذیل میں درج ہیں۔
دہی رات کو سونے سے پہلے جھائیوں پر اچھی طرح ہلکے ہاتھوں سے ملیں۔ صبح صاف کر لیں۔ چند دنوں میں جھائیوں کا خاتمہ ہوجائے گا۔
مالٹے اور کینو کے چھلکے پیس کر پیسٹ بنا لیں، اس پیسٹ کو چہرے پر ملیں۔ ہفتے میں دوبار اس کااستعمال کریں۔
جھائیوں اور چہرے کے داغ دھبوں کیلئے لال پیاز کوگول قتلوں میں کاٹ لیں۔ ان کو آہستگی سے جھائیوں پر ملیں۔ دن میں دوبار یہ عمل دہرائیں، جب تک جھائیاں ختم نہ ہوجائیں۔
لیموں اور چینی کے مکسچر کو چہرے پر ملنے سے جھائیاں ختم ہوجاتی ہیں۔
شہد، عرق گلاب اور زیتون کاتیل ملا کر لگائیں، اس کے استعمال سے نہ صرف جھائیاں ختم ہوتی ہیں بلکہ جلد کی خوبصورتی برقراررہتی ہے۔
مسور لیموں کے رس میں پیس کر چہرے پر لگائیں۔
ابٹن کااستعمال بھی جھائیوں کے خاتمے میں مددگار ہے۔
چنبیلی کے پھول کو جھائیوں پر ملنے سے بھی جھائیاں ختم ہوجاتی ہیں۔
لیموں کا رس یا لیموں کا گودا بھی جھائیوں پر ملنے سے جھائیاں ختم ہوجاتی ہیں۔
تلسی کے پتے پیس کر ملنا بھی جھائیوں کیلئے مفید ہے۔
کلونجی پانی میں پیس کر چند روز لگائیں چند دنوں میں جھائیوں ختم ہو جائیں گی۔
آم کی گٹھلی کی گری اور جامن کی گٹھلی کی گری دنوں پیس کر جھائیوں پرلگائیں۔ چند دنوں میں ہی آپ کو بہترین نتائج مل جائیں گے۔