Tangg Pr Pati Bandhna - Article No. 1720
ٹانگ پر پٹی باندھنا - تحریر نمبر 1720
پٹی باندھنا مقصود ہو تو پہلے پاؤں پر پٹی لپیٹیں اس طرح کہ انگلیوں کی جڑوں سے شروع کرکے ٹخنوں کی طرف آئیں
منگل 26 دسمبر 2017
پٹی کو ایک مقام پر قائم رکھنے کے لیے ٹخنوں کے گرد پہلے ایک دو حلقہ دار چکر دے لیں اور اگر اس کے ساتھ پاؤں پر بھی پٹی باندھنا مقصود ہو تو پہلے پاؤں پر پٹی لپیٹیں اس طرح کہ انگلیوں کی جڑوں سے شروع کرکے ٹخنوں کی طرف آئیں اور اگر پاؤں پر باندھنا مقصود نہ ہو تو پھر حلقہ دار چکر اس طرح دیں کہ وہ پہلے چکر کے تقریباً نصف کو چھپائے ہوئے ہو اس طرح پٹی جو ہوگئی وہ پنڈلی پر کافی اونچائی تک آجائے گی اب پنڈلی پر پٹی لپیٹنا شروع کریں پہلے ایک دو چکر تو سیدھے ہی ہوں گے اور بعد میں جیسا کہ پہلے بھی بتایا جاچکا ہے وہ پیچ دار چکر ہوجائیں گے اور پھر پٹی کو جہاں تک لے جانا چاہییں لے جاکر گرہ دے کر یا پن لگا کر ختم کردیں۔
ایڑی ٹخنہ پاؤں پر پٹی باندھنا: اس صورت میں پہلا چکر ایڑی کی لوک اور ٹخنے کے جوڑ کے سامنے سے گزرے گا دوسرا چکر پہلے سے قدرے نیچے ہوگا اس طرح کہ یہ چکر پہلے چکر کی نصف چوڑائی ڈھانپ لے گا تیسرا چکر بھی دوسرے چکر کی طرح ہوگا،لیکن یہ چکر پہلے چکر سے اونچا ہوگا لیکن پہلے چکر کی نصف چوڑائی کو ڈھانپ لیتا ہے تیسرے چکر میں جب پٹی اندرونی جانب ایڑی کے بالائی حصے سے گزرتی ہے تو اب وہ پاؤں کی پشت پر چلی جاتی ہیں اور اندر سے باہر کی طرف انگلیوں کی جڑوں تک پہنچ جاتی ہیں اب دو تین پیچ دار چکر اس طرح دیں کہ پٹی انگلیوں سے ٹخنے دار چکر اس طرح دیں کہ پٹی انگلیوں سے ٹخنے کی طرف آتی جائے اور پھر ٹخنے کے جوڑ پر حلقہ دار پٹی باندھیں اس کا ایک حلقہ تو پاؤں پر ہوگا اور دوسرا ٹخنے کے جوڑ کے اوپر اس طرح باری باری حلقہ بنائے جائیں حتیٰ کہ رفائد چھپ جائیں۔
(جاری ہے)
گھٹنے پر پٹی باندھنا: اس مقام پر حلقہ دار پٹی باندھی جاتی ہیں البتہ اس مقام پر خاص احتیاط کی ضرورت ہوگی ورنہ پٹی اپنی جگہ سے پھسل جائے گی پٹی کے ابتدائی سرے کو قائم کرنے کے لیے گھٹنے کے جوڑ سے قدرے نیچے پٹی کے ایک دو چکر لپیٹ کر اس کے سرے کو قائم کریں پھر پٹی کو گھٹنے کے سامنے سے ران کے اندرونی جانب لے جائیں اس طرح کہ وہ ران کے پیچھے سے ہوتی ہوئی آئے پھر اسے ران کے سامنے لے آئیں چنانچہ پٹی کا یہ چکر گھٹنے کے جوڑ سے قدرے اونچا ہوگا دونوں چکروں کے درمیانی حصے پر پٹی لپیٹ کر پن لگادیں،
کنج ران پر پٹی باندھنا: جب یہ پٹی باندھی جارہی ہو تو مجروح کو کھڑا ہونا چاہیے اور پٹی باندھنے والا شخص اس کے سامنے کھڑا ہوجائے اگر مجروح کھڑا نہ ہوسکے تو اس کے چوتڑوں کے نیچے تکیہ یا کوئی اور ایسی شے رکھ دیں جس سے اس کے چوتڑ اوپر کواُٹھے رہیں پٹی کا باندھنا ماؤف کنج ران سے شروع کریں اور پٹی کو اندر کی طرف سے باہر کی طرف لائیں اس طرح ران کے گرد ایک چکر مکمل ہوجائے گا اب پٹی کو ناف سے قدرے نیچے سے گزار کر سلیم جانب پیٹ پر لے جائیں اور پہلو کے گرد ہوتے ہوئے کمر پر پہنچ جائیں اور وہاں سے پہلو کے گرد ہوتے ہوئے ماؤف کنج ران پر آجائیں اس طرح پیٹ اورکمر کے گرد ایک چکر یا حلقہ مکمل ہوجائے گا اب یہاں سے دوسرا چکر یا حلقہ مکمل ہوجائے گااب یہاں سے دوسرا چکر شروع کریں جو پہلے کی طرح ہی لپیٹا جائے گا لیکن اس طرح کہ وہ پہلے کو قدرے ڈھانپے ہوئے ہوگا اس طرح حلقہ دار پٹی لپیٹتے جائیں حتیٰ کہ ماؤف چھپ جائیں اور پھر پن لگاکر پٹی کو ختم کردیں۔
دونوں کنج رانوں پر اکٹھا پٹی باندھنا: اس پٹی کی ابتدا اس طرح کریں جس طرح ایک کنج ران پر پٹی باندھتے ہوئے کی تھی چنانچہ جب دائیں کنج ران پر حلقہ پورا ہوجائے تو اس طرف ران کے اندرونی جانب جانے کی بجائے پٹی کو ناف پر سے گزار کر بائیں طرف کی ران کے بیرونی جانب پہنچا دیں اب اس طرف کی کنج ران پرپٹی باندھیں،
گل پٹی: بازوؤں یا ہاتھوں کے لیے گل پٹی بڑی مفید ثابت ہوتی ہے گل پٹی رومال یا کسی دوسرے کپڑے کو تکون کی شکل میں تہہ کرکے بنائی جاتی ہیں اگر گل پٹی کا مقصد یہ ہو کہ ہاتھوں کو سہارا دیا جائے اور ان کو قدرے اٹھا کر رکھا جائے تو بہتر یہ ہوگاکہ اس تکونی پٹی کو گلوبندکی شکل میں تہہ کرلیا جائے اورپھر اسے گردن میں ڈال کر گردن کے پیچھے گرہ دے دی جائے اور اسے اس حد تک چھوٹا کردیا جائے کہ ہاتھ مطلوبہ بلندی تک اٹھا رہے،
تکونی پٹی: تکونی پٹی بنانے کے لیے چھینٹ یا ململ یا دوسرا کوئی سوتی کپڑا چالیس انچ مربع لیں کپڑے کے آمنے سامنے کے کونے ملا کر دوہرا کریں اور دوسرے دو کونوں کے درمیان اُسے کاٹ ڈالیں اس طرح دو تکونی پٹیاں بن جائیں گی تکونی پٹی سے اگر چوڑی پٹی بنانا مقصود ہو تو اس کی نوک کو قاعدے کے درمیانی نقطہ پر لائیں اور پھر اسی پر پٹی کو دوہرا کریں اگرکم چوڑی پٹی بنانا مقصود ہو تو اسے اس طرح ایک بار اور دوہرا کرلیں ضرورت کے وقت یہ پٹیاں بنانی ہوں تو رومال ،تسمے،دھجیاں،پگڑیاں نکٹائیاں،فیتے، ڈوری وغیرہ کے کسی ٹکڑے کو بھی استعمال کیا جاسکتا ہے۔
Browse More First Aid Tips - Ibtadai Tibbi Imdad
ابتدائی طبی امداد
Ibtadai Tibbi Imdad
منہ اور حلق کا خشک ہوجانا!
Mouh Or Halaq Ka Khushk Ho Jana
کولھے کی ہڈی کا ٹوٹ جانا
Kulhe Ki Haddi Ka Tott Jna
نچلے جبڑے کی ہڈی کا ٹوٹ جانا
Nichly Jabray Ka Tot Jana
آستین کی ہڈیوں،کلائی،ہاتھ اور انگلیوں کی ہڈیوں کا ٹوٹ جانا
Asteen Ki Hadiyo Kalai Hath Or Ungliyo Ki Hadiyo Ka Toot Jana
چوٹ یا ضرب لگنے کی صورت میں
Choot Ya Zarb Lagny Ki Surat Me
سر پر تکونی پٹی باندھنا
Sar Par Tkooni Pati Bandhna
پٹی باندھنا
Pati Bandhna
سر پر پٹی باندھنا
Saar Per Pati Bandhna
گردن کا ذخم
Gardan Ka Zakham
سر کی چوٹ
Sarr Ki Choot
مصنوعی تنفس :پانچ سال سے کم عمر بچوں کے لیے
Masnooii Tanfus Panch Sall Say Kam Uma Bachoo K Liye