Chehre - Article No. 1327
چہرے کا میل صاف کرنا - تحریر نمبر 1327
وہ خواتین جو جاب کرتی ہیں ان کے چہرے پر میل سا آجاتا ہے۔ اس کیلئے جو کا آٹا لیں کیونکہ جو کا آٹا میل کیچل صاف کرتا ہے۔دو سے تین کھانے کے چمچ یا حسب ضرورت جو کے آٹے میں چند قطرے زیتون کا تیل
جمعرات 8 اکتوبر 2015
چہرے کے بال ختم کرنے کا طریقہ:
ایک خوبانی لے کر اسے اچھی طرح کچل کر پیسٹ بنا لیں۔ پھر اس میں ہم وزن شہد ملا لیں۔
جب تک مکمل خشک نہ ہو جائے اس آمیزے کو چہرے پر لگا رہنے دیں۔خشک ہو کر یہ جھلی کی طرح ہو جائے گا۔ اس جھلی کو رگڑے بغیر کھینچ کر اْتار لیں۔
(جاری ہے)
اس طرح بال بھی کھنچ کر جھلی کے ساتھ اْتر جائیں گے اور جلد بھی تروتازہ اور دلکش ہو جائے گی۔
چہرے کے داغ دھبے اورجھائیاں کیسے دور ہوں؟
چہرے کے داغ دھبے اور جھائیاں، خواتین کی خوبصورتی کو ذائل کر دیتی ہیں۔ جھائیاں عمر کے کسی بھی حصے میں ہوں لیکن یہ با ت تو طے ہے کہ یہ چہرے کو متاثر کرتی ہیں۔ چہرے پر بدنما دھبے اسے بد رنگا بنا دیتے ہیں۔ اگر آپ اپنے چہرے کو اس کے اثرات سے بچانا چاہتی ہیں تو سب سے پہلے اپنے چہرے کو سورج کی مضر رساں شعاعوں سے بچائیں۔ اگر دھوپ میں نکلنا ضروری بھی ہو تو سن پروٹیکشن (sun protection) لگا کر نکلیں۔ اس عمل سے آپ کی باڈی کو مزید میلانن پروڈیوس کرنے کی ضرورت نہیں پڑے گی، میلانن آپ کی باڈی اس وقت پروڈیوس کرتی ہے جب وہ سن ایکسپوڑر (sun exposure) سے متاثر ہو۔
میلانن سے جلد کی اوپری تہہ متاثر ہوتی ہے، آپ نے اکثر لوگوں کی جلد پھیکی اور بے جان سی دیکھی ہوگی، اس کی وجہ یہی ہے۔ جلد کی یہ رنگت مسلسل علاج سے ہی درست ہوتی ہے اگر آپ نے ایک مرتبہ علاج چھوڑ دیا تو جلد دوبارہ متاثر ہو جائے گی۔ جھائیوں اور داغ دھبوں سے علاج کیلئے آپ یہ ٹپس استعمال کریں:
اپنے چہرے کو کھٹے دودھ سے دھوئیں، اس میں شامل لیکٹک ایسڈ اسکن پر بغیر کسی ڈرائی نِس یا بیچینی کے اسکن کے پھیکے پن کو درست کرتا ہے۔
لیموں کا رس جھائیوں اور داغ دھبوں کیلئے موثر ہتھیار ہے۔ لیموں کا رس نکالا ہوا چھلکا داغ دھبوں اور جھائیوں پر ملیں، اس طرح آپ جَلد ہی مطلوبہ نتائج حاصل کر لیں گی۔ لیکن ایک بات کا دھیان رکھئے گا کہ اسے لگا کر سورج کے سامنے نہ جایئے گا کیونکہ لیموں سے آپ کی جِلد حساس ہو چکی ہوگی اور سورج کی شعاعیں آپ کی جلد پر فوری اثر دکھائیں گی۔
جھائیوں سے نجات کیلئے دو بادام چھیل کر باریک پیس لیں انھیں ایک انڈے کی سفیدی اور آدھے چائے کے چمچ لیموں کے رس میں مکس کریں، اب یہ آمیزہ چہرے پر لگا لیں۔ جب آپ کو محسوس ہو کہ آپ کی جلد خشک ہو رہی ہے تو ہلکے ہاتھوں سے رگڑ کر اسے اتار لیں۔ اس سے نہ صرف داغ دھبے صاف ہوں گے بلکہ جلد پر ایک قدرتی گلوبھی آجائے گا۔
اپنی خوراک میں وٹامن سی بڑھا دیں، اس سے بھی جِلد کی جھائیاں ختم ہونے لگتی ہیں، ایسے فروٹس اور سبزیاں کھائیں جن میں وٹامن سی کی وافر مقدار ہو۔
کھٹی کریم بھی فریکلز کیلئے نہایت عمدہ ہے اسے چہرے پر لگا کر براہ راست نہ اتاریں بلکہ ٹیشوپیپر کی مدد سے نرمی سے صاف کریں۔ اگر آپ کی اسکن آئلی ہے تو اپنے چہرے پر پہلے لیمن جوس لگا لیں۔
اپنی اسکن کو فریکلز سے بچانے کے لیے فروٹ ماسک لگائیں کوشش کریں کہ فریش فروٹ کا ہی ماسک ہو ورنہ مارکیٹ میں دستیاب فروٹس سے تیار کردہ ماسک بھی لگایا جاسکتا ہے۔
لال پیاز بھی اس سلسلے میں اہم کردار ادا کرتی ہے، صرف جھائیاں ہی نہیں بلکہ لال پیاز سے چہرے کے دوسرے داغ دھبے بھی صاف ہو جاتے ہیں۔ لال پیاز کا سلائس لیں اور اسے متاثرہ حصے پر نرمی سے مَلیں۔ کئی مرتبہ ایسا کرنے سے دھبے دھندلے ہونے لگتے ہیں پھر رفتہ رفتہ غائب ہو جاتے ہیں۔
شہد کا استعمال بھی جھائیوں کے خاتمے میں کیا جاتا ہے، اس سلسے میں آپ شہد کو ہلکا سا گرم کرلیں اور لیمن جوس میں مکس کرکے چہرے کے متاثرہ مقامات پر لگا لیں۔ چند ہی دنوں میں آپ کا چہرہ بالکل بے داغ ہو جائے گا۔
Browse More Skin Care
ایکنی
Acne
ٹین ایج میں جلد کی حفاظت
Teenage Mein Jild Ki Hifazat
گرمیوں میں جلد کی صفائی کا خاص خیال رکھیں
Garmiyon Mein Jild Ki Safai Ka Khas Khayal Rakhain
سرسوں کا تیل اور حسن کی حفاظت
Sarson Ka Tail Aur Husn Ki Hifazat
سرخ ٹماٹر - حسن سنوارنے والی سبزی
Red Tomato - Husn Sanwarne Wali Sabzi
گہرے سیاہ حلقوں کو چھپانے کے طریقے
Gehre Siyah Halkon Ko Chupane Ke Tarike
ایکنی سے متاثر جلد کے لئے فیس ماسک
Acne Se Mutasir Jild Ke Liye Face Mask
موٹاپا‘ ایکنی اور بالوں کی خشکی
Motapa Acne Aur Balon Ki Khushki
دورانِ حمل جلد کی حفاظت کریں
Doran E Hamal Jild Ki Hifazat Karen
حاملہ خواتین اور جلد کی سیاہی
Hamla Khawateen Aur Jild Ki Siyahi
ٹماٹر لائے دلکشی اور کرے صحت بحال بھی
Tomato Laye Dilkashi Aur Kare Sehat Bahal Bhi
قدرتی اجزاء پر مشتمل اسکن ٹونر گھر پر تیار کریں
Qudrati Ajza Par Mushtamil Skin Toner Ghar Par Tayar Karen