Sajawat Ki Aam Cheez - Article No. 1713
سجاوٹ کی عام چیز - تحریر نمبر 1713
گھر کے مختلف کمروں میں سجاوٹ کی اشیا کی بھرمار کرنا کوئی دانشمندی نہیں سجاوٹی چیزوں کا بہتر انتخاب کرنے کے لیے بہترین انتخاب کی ضرورت ہوتی ہے
جمعرات 21 دسمبر 2017
سجاوٹ کی اشیا میں عام چیزیں تو عارضی ہوتی ہیں اور کچھ مستقل عارضٰ اشیا میں پھول پودے وغیرہ شامل ہیں اور مستقل میں دیھات پتھر پلاسٹک شیشے چینی وغیرہ سے بنی اشیا گھر کے مختلف کمروں میں سجاوٹ کی اشیا کی بھرمار کرنا کوئی دانشمندی نہیں سجاوٹی چیزوں کا بہتر انتخاب کرنے کے لیے آپ گفٹ شاپ(Gift Shop )ہینڈی کرافٹ شاپ(Handicraft Shop ) یا نوادرات کی دکان کی طرف رجوع کرسکتی ہے ان دکانوں میں یہ چیزیں متعدد اقسام اور نمونوں میں دستیاب ہوتی ہے بعض اوقات پرانی اشیا اورکباڑیوں کی دکانوں سے بھی نفیس نایاب نادر اور خوبصورت اشیا مل جاتی ہیں سجاوٹی چیزوں کی عام اورروزمرہ استعمال کی اقسام مختلف وضع گلدان موم بتی سٹینڈ قدرتی چیزیں کھلونے مورتیاں اور دوسرے تجریدی کھلونے اور تصاویر وغیرہ شامل ہیں کسی بھی سجاوٹی شے کو منتخب کرتے وقت اس کی ساختی بناوٹ اور زیبائشی بناوٹ کی طرف توجہ دینے کی ضرورت ہے خاص طور پر گلدان خریدتے وقت دیکھ لیں کہ ان کی بناوٹ میں توازن تناسب اور ہم آہنگی بھی موجود ہے یا نہیں۔
(جاری ہے)
ریفریجیریٹر: ریفریجیریٹر ایک ایسی مشین ہے جوکہ خوراک کو محفوظ کرنے اور ٹھنڈا کرنے کے لیے استعمال کی جاتی ہے ریفریجیریٹر کا فریم عموماً سٹیل کا بنا ہوتا ہے اور تمام جوڑ مضبوطی سے ویلڈ(Welded) کیے ہوتے ہیں اس فریم پر پورسیلن انیمل کی تہہ چڑھی ہوتی ہے یہ تہہ زنگ لگنے سے محفوظ اور چٹخ کر اترنے والی نہ ہونی چاہیے فریج کے کونے خمدار اور گولائی دار ہونی چاہییں تاکہ صفائی میں آسانی ہو شیلف بھی زنگ لگنے سے محفوظ سٹیل کے بنے ہوئے اور سلائیڈنگ ہونے چاہییں خانے کے دونوں اطراف شیلف کے لیے سہارے لگے ہونے چاہییں ترتیب پذیر(Adjustable) شیلفوں سے خانوں کی گنجائش کو ضرورت کے مطابق گھٹایا بڑھایا جاسکتا ہے ۔ دروازے کے اندر لگے ہوئے ریک نہ صرف فریج کی گنجائش میں اضافہ کرتے ہیں بلکہ ان میں بوتلیں وغیرہ محفوظ رہتی ہیں اور خاص اشیا مثلاًانڈے مکھن پنیر وغیرہ علیحدہ رکھے جاسکتے ہیں اگر ایک کی بجائے پھلوں اور سبزیوں کے لیے علیحدہ علیحدہ دراز یا خانے ہوں تو یہ اور بھی بہتر ہے۔ایک ریفریجیریٹر کی بہتر کارکردگی کا انحصار بہت حد تک انسولیشن(Insulation) میٹیریل کی قسم اور نوعیت پر ہے انسولیٹر(Insulator) حرارت کے غیر موصل کو کہتے ہیں گلاس وول اور فائبر گلاس انسولیٹر استعمال ہوتے ہیں اور یہ واقعی حرارت کے بہترین غیر موصل ہیں۔فریج کے مطلوبہ سائز کا انحصار خاندان کی ضرورت اور افراد خانہ کی تعداد پر ہوگا ایک اندازے کے مطابق 4 افراد کے خاندان کے لیے چھ مکعب فٹ فی فرد کے حساب سے سائز میں اضافہ کرلینا چاہیے فریج کے مطلوبہ سائز کا تعین کرنے کا ایک اور طریقہ بھی ہے وہ یہ کہ گھر میں کمروں کے حساب سے دو مکعب فٹ فی کمرے کے حساب سے فریج کا سائز لے لیا جائے،فریج عام طور پر گارنٹی شدہ ہوتے ہیں فریج بنانے والی کمپنیاں عموماً پانچ سال تک سسٹم میں خرابی کی گارنٹی دیتی ہیں خریدار کو فریج لینے سے پہلے گارنٹی میں درج شدہ تفصیلات احتیاط کے ساتھ پڑھنی چاہییں،فریج خریدنے سے پہلے تمام شیلفوں کا جائزہ لے لیں کہ آسانی سے نکالے اور ڈالے جاسکتے ہیں فریج کے اندر روشنی موزوں جگہ پر لگی ہونی چاہیے اس طرح کہ جب اس میں چیزیں رکھی جائیں تو روشنی پوشیدہ نہ ہو اوراس کے ٹوٹنے کا بھی خطرہ نہ ہو اگر حرارت کنٹرول کرنے والے آئے پر غیر واضع نمبر لگے ہوں تو انہیں سمجھنے کی کوشش کریں نمبروں والا ڈائل ہاتھ کی پہنچ کے اندر لگا ہونا چاہیے دروازے کی اندرونی جانب بھی شیلف لگے ہونے چاہییں فریج کے ان خانوں میں ایسی چیزیں سٹور نہ کریں جنہیں آپ نے جلد استعمال نہیں کرنا کیونکہ دروازے کے قریب کا درجہ حرارت باقی فریج کی نسبت زیادہ ہوگا فریج کو چلا کر دیکھنے پر اصرار کریں اس کے دو فائدے ہوں گے ایک تو اس کے چلنے سے آواز کے شور کا اندازہ ہوجائے گا اور دوسرے آپ خود خانوں میں سے برف نکال کر دیکھ سکیں گی کہ آسانی سے نکل آتی ہیں ایک قسم کے فریج میں برف نکالنے کے لیے ٹرے کو پانی میں غوطہ دینے کی ضرورت ہوتی ہیں ان کے استعمال میں دشواری ہوتی ہیں خود کار طور پر برف پگھلنے کا انتطام ضروری ہیں ،فریج میں برف خانے کا مقام بھی قابل توجہ ہے اگر آپ کی عادت میں بہت زیادہ خوراک محفوظ کرنا ہے تو برف خانے والا فریج پسند کریں برف خانے کے باہر اگر علامتی سرخ بتی ہو تو بہتر ہے علیحدہ دروازے والا برف خانہ اچھا رہتا ہے کیونکہ یہ باقی فریج کھولے بغیر کھولا جاسکتا ہے،بیشتر حالات میں فریج کو آپ خود نصب کرواسکتی ہیں لیکن بہتر ہے کہ دکاندار کے مکینک سے اس کو لگوایا جائے دکان سے گھر لانے سے پہلے دیکھ لیں کہ فریج اچھی طرح پیک کیا گیا ہے اور اس کے نقل و حمل کے دوران دیکھ لیں کہ مضبوطی کے ساتھ باندھا گیا ہے فریج ہمیشہ ہموار سطح پر لگوائیں ورنہ دروازے کے کھلنے اور بند ہونے میں دقت پیش آئے گی کمشن دینے والی کمپنیاں قابل ترجیح ہیں کیونکہ ان سے کچھ نہ کچھ بچت کی امید ہوتی ہے ہمیشہ قابل اعتماد اور مشہور کمپنی کا عمدہ ماڈل پسند کریں۔
Browse More Shopping Tips for Women
رمضان شاپنگ مہنگائی کا علاج سادگی
Ramadan Shopping Mehngai Ka Ilaj Saadgi
جیولری کی ورائٹی سے جگمگاتی دنیا
Jewellery Ki Variety Se Jagmagati Duniya
زیورات بتائیں شخصیت کے راز
Zewrat Bataain Shakhsiyat Ke Raaz
چوڑیوں کے بغیر ہر فیشن ادھورا
Choriyon Ke Bagair Har Fashion Adhura
میرا بیگ میری دنیا
Mera Bag Meri Duniya
عید کے ملبوسات ٹرینڈ اور اسٹائل
Eid Ke Malbosat Trend Aur Style
عید اور زیورات ساتھ ساتھ
Eid Aur Zevrat Sath Sath
رنگ،انداز عید کے سنگ
Rang Andaaz Eid Ke Sang
دھوپ کے چشمے
Dhoop Ke Chashme
چشمہ ۔ درست انتخاب شخصیت پُر وقار
Chashma - Durust Intekhab Shakhsiyat Pur Waqar
ہائی ہیل کا فیشن جو کبھی پرانا نہیں ہوتا
High Heel Ka Fashion Jo Kabhi Purana Nahi Hota
موسم کے تیور بدل چکے
Mausam KeTeewar Badal Chuke